महामार्गावरील अपघातात सांगलीचे दोघे ठार; एक जखमी

या प्रकरणी खुलताबाद पाेलीस ठाण्यात नाेंद झाली आहे. विनायक जालिंदर पाटील (वय ४३) व दादासाहेब बाजीराव देशमुख (वय ३५), अशी मृतांची नावे आहेत. तर सलीम मुलानी असे जखमीचे नाव असल्याची माहिती खुलताबाद पोलीस ठाण्याचे सहायक फौजदार रमेश वऱ्हाडे यांनी दिली. विनायक पाटील हे शिरढोण (ता. कवठे महाकाळ) व दादासाहेब देशमुख अजनी (ता. तासगाव) येथील रहिवासी होते. तर मुलानी हे मलंगाव (ता. कवठेमहांकाळ) येथील रहिवासी आहेत. मृत व जखमी हे लहान टेम्पोने कन्नडकडे जात होते. या दरम्यान, रस्त्यात उभ्या एका अन्य वाहनाला मागून जोराची धडक बसल्याची माहिती पोलिसांनी दिली. घटनास्थळी महामार्ग पोलीस निरीक्षक राहुल लोखंडे, पोलीस निरीक्षक धनंजय फराटे यांनी भेट दिली.