SUV Under 6 Lakh Rupees: देशात जास्तीत जास्त ग्राहक मिळवण्याच्या दृष्टीने मारुती ब्रेझा एसयूव्ही आणि टाटा नेक्सॉन एसयूव्ही यांच्यात युद्ध सुरू आहे. कधी ब्रेझा नंबर वन बनते तर कधी टाटा नेक्सान हे स्थान मिळवते. पण दरम्यान, ग्राहकांचा एक भाग परवडणाऱ्या एसयूव्हीच्या शोधात आहे. अशा ६ लाखांच्या कारवर अशा ग्राहकांचे हृदय आले आहे, जी आता मारुती आणि ह्युंदाईसाठी अडचणीची ठरू शकते. खुद्द टाटा मोटर्सनेही या कारच्या विक्रीमुळे आश्चर्य व्यक्त केले आहे. आम्ही ज्या कारबद्दल बोलत आहोत ती टाटा पंच आहे.
टाटा पंचने लाँच झाल्याच्या एका वर्षांत आणि दीड लाखांहून अधिक युनिट्सची विक्री केली होती. दीर्घकाळापासून देशातील टॉप-१० कारच्या यादीतही याचा समावेश आहे. एवढेच नाही तर टाटा नेक्सॉन नंतर कंपनीची ही दुसरी सर्वाधिक विक्री होणारी कार आहे. मार्च महिन्याबद्दल बोलायचे झाले तर, टाटा पंचच्या एकूण १०,८९४ युनिट्सची विक्री झाली आहे. यासह, ही देशातील नववी सर्वाधिक विक्री होणारी कार ठरली. वार्षिक आधारावर त्याच्या विक्रीत केवळ ३ टक्के वाढ झाली आहे. मार्च २०२२ मध्ये केवळ १०,५२६ युनिट्सची विक्री झाली.
(हे ही वाचा: Hero समोर तगडं आव्हान, टाटाने बाजारात दाखल केली स्वस्तात मस्त सायकल, किंमत फक्त…)
किंमत आणि वैशिष्ट्ये
टाटा पंच ही ५ सीटर मायक्रो एसयूव्ही आहे ज्याची किंमत ६ लाख ते ९.४७ लाख रुपये आहे. हे वाहन १.२-लीटर पेट्रोल इंजिनसह येते जे ८६ PS पॉवर आणि ११३ Nm टॉर्क निर्माण करते. यात ५-स्पीड मॅन्युअल आणि AMT गिअरबॉक्स पर्याय आहेत आणि मायलेज १८.९७ kmpl आहे. यात ३६६ लीटरची बूट स्पेस आहे. यात टचस्क्रीन सिस्टीम, सेमी-डिजिटल इन्स्ट्रुमेंट क्लस्टर, ऑटो एसी, ऑटो हेडलाइट्स आणि वायपर्स, क्रूझ कंट्रोल, ड्युअल फ्रंट एअरबॅग, EBD सह ABS आणि मागील पार्किंग कॅमेरा यांसारखी वैशिष्ट्ये आहेत.
ही कार थेट निसान मॅग्नाइट आणि रेनॉ किगर सारख्या कारशी स्पर्धा करते. लवकरच Hyundai आपल्या स्पर्धेत एक नवीन Micro SUV Hyundai Exter लाँच करणार आहे.
