If you wear Slippers while riding a bike, you will have to pay a fine; Do you know 'these' rules of traffic?

वाहतूक नियमांचे उल्लंघन केल्यास हजारो रुपयांचा दंड होऊ शकतो. यासोबतच काही प्रकरणांमध्ये तुरुंगवासही होऊ शकतो.

तुम्हालाही दंड भरावा लागू नये असे तुम्हाला वाटत असेल तर तुम्ही वाहतुकीचे सर्व नियम पाळले पाहिजेत. (Indian Express)

जर तुम्ही मोटार वाहन चालवत असाल तर तुम्हाला रहदारीशी संबंधित महत्त्वाच्या नियमांची माहिती असणे आवश्यक आहे. पण जर याबद्दल तुम्हाला माहिती नसेल तर तुम्ही लवकरात लवकर माहिती जाणून घ्या. वाहतूक नियमांचे उल्लंघन केल्यास मोठा दंड भरावा लागू शकतो. यासोबतच काही प्रकरणांमध्ये तुरुंगवासही होऊ शकतो. अशा परिस्थितीत तुम्हाला दंड भरावा लागू नये असे वाटत असेल तर तुम्ही वाहतुकीचे सर्व नियम पाळले पाहिजेत.

असे केल्याने, आपण दंडापासून वाचू शकता आणि यामुळे रस्त्यावर सुरक्षित रहदारीचे वातावरणही तयार होईल, जे आवश्यक देखील आहे. परंतु, असे काही वाहतूकीचे नियम आहेत ज्याबद्दल लोकांना सामान्यतः माहिती नसते आणि ते नकळत त्या वाहतूक नियमांचे उल्लंघन करतात. पण, त्यासाठीही त्याना दंड भरावा लागू शकतो.

असाच एक वाहतूक नियम म्हणजे, तुम्ही स्लीपर किंवा ‘चप्पल’ घालून दुचाकी चालवू शकत नाही, त्याला परवानगी नाही. सध्याच्या मोटार वाहन कायद्यानुसार दुचाकी चालवताना पूर्णपणे बंद शूज घालणे आवश्यक आहे. तसे न केल्यास कायद्याचे उल्लंघन मानले जाईल आणि पकडल्यास एक हजार रुपये दंड आकारला जाऊ शकतो.

यासोबतच दुचाकी किंवा स्कूटर चालवताना पॅन्टसोबत शर्ट किंवा टी-शर्ट घालणे आवश्यक आहे. या नियमाचे उल्लंघन केल्यास दोन हजार रुपये दंड आकारला जाऊ शकतो. याशिवाय, सामान्य नियमांबद्दल बोलायचे झाल्यास, प्रत्येकाने दुचाकी चालवताना हेल्मेट घालणे आवश्यक आहे आणि बाईकशी संबंधित सर्व कागदपत्रे सोबत ठेवावीत. हे नसल्यासही दंड आकारला जाऊ शकतो.

First published on: 02-08-2022 at 22:02 IST

TOPICSदुचाकी Two Wheeler नियम Rules

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: If you wear slippers while riding a bike you will have to pay fine do you know these rules of traffic pvp

Traffic Rules : बाईक चालवताना स्लीपर घातल्यास भरावा लागेल दंड; वाहतुकीचे ‘हे’ नियम तुम्हाला माहित आहेत का?

वाहतूक नियमांचे उल्लंघन केल्यास हजारो रुपयांचा दंड होऊ शकतो. यासोबतच काही प्रकरणांमध्ये तुरुंगवासही होऊ शकतो.