देशातील कार क्षेत्रातील कमी बजेटच्या कारची मागणी पाहता कार निर्मात्यांनी प्रत्येक सेगमेंटमध्ये कमी किमतीच्या कार लॉंच करण्यास सुरुवात केली आहे. ज्यामध्ये आज आम्ही देशातील सर्वात कमी किमतीची कार मारुती अल्टो 800 S CNG बद्दल बोलत आहोत, जी सर्वात कमी किमतीतच नाही तर सर्वात कमी किमतीत सर्वाधिक मायलेज देखील देते. जर तुम्ही या नवरात्रीच्या सणासुदीत कमी किमतीत नवीन कार खरेदी करण्याचा विचार करत असाल, तर या कारवर उपलब्ध डिस्काउंट ऑफर व्यतिरिक्त या कारची किंमत, फीचर्स आणि मायलेजची संपूर्ण माहिती येथे जाणून घ्या. Maruti Alto 800 S CNG PriceMaruti Alto 800S CNG हा या कारचा CNG बेस व्हेरिएंट आहे ज्याची किंमत ५,०३,००० रुपये (एक्स-शोरूम, दिल्ली) आहे आणि ऑन रोड असताना ५,६८,२७० रुपये आहे. या फेस्टिव्ह सीझनमध्ये तुम्ही ही कार खरेदी केली तर तुम्हाला कंपनीकडून २९ हजार रुपयांपर्यंत सूट मिळू शकते. याशिवाय जर तुम्ही ही कार फायनान्स प्लॅनद्वारे खरेदी केली तर तुम्हाला यासाठी बँकेकडून ५,११,२७० रुपयांपर्यंतचे कर्जही मिळू शकते. आणखी वाचा : Car Discount Offers: ५ लाखांच्या बजेटमध्ये येणाऱ्या ‘या’ ४ कारवर ५० हजारांपर्यंतचा फायदा Maruti Alto Engine and Transmissionमारुती अल्टो 800 मध्ये ०.८ लीटर तीन-सिलेंडर पेट्रोल इंजिन देण्यात आले आहे. हे इंजिन ४८ पीएस पॉवर आणि ६९ एनएम पीक टॉर्क जनरेट करते. CNG किटवर त्याची पॉवर ४१ PS आणि पीक टॉर्क ६० Nm होते. हे इंजिन ५-स्पीड मॅन्युअल गिअरबॉक्सशी जोडलेले आहे. Maruti Alto 800 S CNG Mileageमारुती सुझुकीच्या मायलेजबद्दल असा दावा केला जातो की, ही कार पेट्रोलवर २२.०५ kmpl आणि CNG वर ३१,५९ kmpl मायलेज देते. कारचे मायलेज ARAI ने प्रमाणित केले आहे. सध्या दिल्लीत CNG ची किंमत ७५.६१ रुपये प्रति किलो आहे, त्यानुसार तुम्ही ही कार केवळ ७५ रूपयांच्या सीएनजीमध्ये ३१ किमी चालवू शकता. Maruti Alto 800 S CNG Featuresया कमी बजेटच्या कारमध्ये कंपनीने Android Auto आणि Apple CarPlay कनेक्टिव्हिटीसह ७ इंच टचस्क्रीन इन्फोटेनमेंट सिस्टम, कीलेस एंट्री, फ्रंट पॉवर विंडो, फ्रंट सीटवर ड्युअल एअरबॅग, मागील पार्किंग सेन्सर, ABS EBD सारखी फीचर्स जोडली आहेत.