तीन चाकांवर चालणारी सर्वात स्वस्त इलेक्ट्रिक कार लवकरच बाजारपेठेत दाखल होणार

R3 चे बुकिंग बऱ्याच दिवसांपासून सुरु आहे आणि लोक खूप दिवसांपासून त्याच्या लाँचची वाट पाहत आहेत. तुम्ही कंपनीच्या अधिकृत साइटवर जाऊन हे वाहन १०,००० रुपयांमध्ये बुक करू शकता. या वर्षाच्या सुरुवातीला बुकिंग उघडल्यानंतर, स्ट्रोमने दावा केला की अवघ्या चार दिवसांत ७५० कोटी रुपयांची वाहने बुक केली गेली. R3 प्रथम दिल्ली-एनसीआर आणि मुंबईमध्ये सादर केली जाईल. यानंतर तिचे इतर शहरांमध्ये सादरीकरण केले जाईल.

या वाहनाचे वैशिष्ट्य म्हणजे हे तीन चाकी वाहन असेल आणि त्यात दोन जण सहज बसू शकतील. यासोबतच कंपनीने यामध्ये सनरूफही दिले आहे. हे ऑटोमॅटिक ट्रान्समिशनसह येईल. या वाहनाची खासियत म्हणजे त्याचे डायमंड कट डिझाइन. अतिशय मस्त लुक असलेले हे एक अल्ट्रा कॉम्पॅक्ट वाहन असेल जे शहरात चालवणे खूप सोपे असेल.

(हे ही वाचा : ‘Honda’ ची ‘ही’ सर्वात स्वस्त दुचाकी बाजारपेठेत लवकरच होणार सादर; जाणून घ्या आकर्षक फीचर्स )

कारची खास फीचर्स

R3 चावीरहित एंट्री, पॉवर विंडो, डिजिटल डिस्प्ले, क्लायमेट कंट्रोल एसी, ७-इंच टचस्क्रीन इन्फोटेनमेंट, जीपीएस नेव्हिगेशन आणि जेश्चर कंट्रोलसह सिंगल डोअर कूप असेल. त्याच वेळी, यात पार्किंग असिस्ट आणि रिव्हर्स कॅमेरा देखील असेल. कंपनीच्या म्हणण्यानुसार, त्यांना फीचर्सच्या बाबतीत पूर्णपणे लोड केलेले वाहन सादर करायचे आहे जेणेकरून त्याच्या रायडर्सना कोणतीही अडचण येऊ नये.

या कारचा टॉर्क ९० एनएम असेल. ते तीन तासांत पूर्णपणे चार्ज होईल आणि त्यानंतर ते २०० किमी अंतर कापेल. पर्यंत चालू शकते त्याच वेळी, कंपनीच्या मते, कारचा टॉप स्पीड ८० किमी आहे.