Electric Vehicle Loan : पेट्रोल आणि डिझेलच्या वाढत्या किमती आणि पर्यावरणाबाबत वाढती जागरूकता यामुळे देशात इलेक्ट्रिक मोबिलिटी झपाट्याने वाढत आहे. हे लक्षात घेऊन केंद्र सरकार आणि राज्य सरकार इलेक्ट्रिक वाहनांवर सबसिडी देत आहेत. याशिवाय, ग्राहकांना सहजपणे इलेक्ट्रिक वाहने खरेदी करता यावीत, यासाठी काही बँका ग्राहकांना स्वस्त व्याजदराने कर्जही देत आहेत, ज्यावर ग्राहकांना आयकरातही सूट मिळते.
स्टेट बँक ऑफ इंडिया ग्रीन लोन – देशातील सर्वात मोठी सार्वजनिक बँक स्टेट बँक ऑफ इंडियाने इलेक्ट्रिक वाहने खरेदी करण्यासाठी ग्रीन कार लोन आणले आहे. या कर्जामध्ये, तुम्हाला इलेक्ट्रिक वाहनाच्या ऑन-रोड किमतीच्या ९०% पर्यंत कर्ज मिळू शकते. दुसरीकडे, SBI च्या ग्रीन लोनमध्ये तुम्हाला ७.०५ % ते ७.७५ % पर्यंत व्याज द्यावे लागेल.
युनियन ग्रीन माइल्स – युनियन बँक ऑफ इंडिया देखील ग्राहकांना इलेक्ट्रिक वाहने खरेदी करण्यासाठी आकर्षक व्याजदरावर कर्ज देत आहे. UBI कडून दुचाकीसाठी १० लाख आणि चारचाकीसाठी अमर्यादित कर्ज दिले जात आहे. याशिवाय UBI तुम्हाला चारचाकी वाहन खरेदीसाठी ८४ महिन्यांच्या कालावधीसाठी आणि दुचाकीसाठी ३६ महिन्यांसाठी कर्ज देईल.
आणखी वाचा : Google Map चं हे फीचर ट्रेनचं लाइव्ह लोकेशन सांगेल, जाणून घ्या कसा करायचा वापर
एक्सिस न्यू कार लोन – Axis Bank पगारदार आणि स्वयंरोजगार असलेल्या ग्राहकांना इलेक्ट्रिक वाहनांच्या रस्त्याच्या किमतीच्या ८५% पर्यंत कर्ज देत आहे. हे कर्ज कमाल ७ वर्षांच्या कालावधीसाठी उपलब्ध आहे. अॅक्सिस बँक दिल्ली NCR, मुंबई, बेंगळुरू, हैदराबाद, पुणे, जयपूर, लुधियाना, कोची, अहमदाबाद, चेन्नई, कोलकाता, विशाखापट्टणम, त्रिवेंद्रम, सुरत आणि चंदीगड येथे ईव्ही कर्ज देते.
कर सवलत – आयकर विभागानुसार, जर तुम्ही इलेक्ट्रिक वाहन खरेदी करण्यासाठी कर्ज घेत असाल, तर १.५० लाख रुपयांपर्यंतच्या व्याजावर आयकर सूट दिली जाते. आयकराच्या कलम 80EEB अंतर्गत हा लाभ मिळू शकतो. ही सूट 80C व्यतिरिक्त उपलब्ध आहे.
