बाइक सेगमेंटप्रमाणे स्कूटर सेगमेंटमध्ये विविध इंजिन पॉवर आणि वैशिष्ट्यांसह दुचाकी आहेत. यात १०० सीसी ते १६० सीसीपर्यंतच्या स्कूटर्स सहज उपलब्ध आहेत. जर तुम्ही स्टायलिश आणि मायलेज देणारी स्कूटर शोधत असाल, तर तुम्ही या सेगमेंटच्या दोन लोकप्रिय स्कूटर्सची संपूर्ण माहिती जाणून घेऊ शकता, कंपनीने अलीकडेच नवीन अपडेटसह लाँच केल्या आहेत. या तुलनेत, आज आमच्याकडे TVS Jupiter 125 आणि Suzuki Access 125 स्कूटर आहेत. या दोन्ही स्कूटरची किंमत, मायलेज, वैशिष्ट्ये तुम्ही जाणून घेऊ शकता.
TVS Jupiter 125: टीव्हीएस ज्युपिटर ही एक स्टायलिश आणि मायलेज स्कूटर आहे. अलीकडेच कंपनीने फिचर्स आणि स्पेसिफिकेशन्ससह अपडेट केली आहे. कंपनीने तीन व्हेरियंटसह बाजारात लाँच केली आहे. इंजिन आणि पॉवरबद्दल बोलायचे झाले तर यात १२४.८ सीसीचे सिंगल सिलेंडर इंजिन आहे. हे इंजिन ८.३ पीएस पॉवर आणि १०.५ एनएम पीक टॉर्क जनरेट करते. स्कूटरच्या मायलेजबद्दल कंपनीचा दावा आहे की, टीव्हीएस ज्युपिटर ६४ किमीचा मायलेज देते आणि हे मायलेज ARAI ने प्रमाणित केले आहे. स्कूटरच्या पुढच्या चाकामध्ये डिस्क ब्रेक लावण्यात आला आहे आणि मागील चाकामध्ये ड्रम ब्रेक आहे. यासोबत अलॉय व्हील आणि ट्यूबलेस टायर्सचे कॉम्बिनेशन देण्यात आले आहे. टीव्हीएस ज्युपिटर 125 ची किंमत ७५,६२५ (एक्स-शोरूम) असून जो टॉप व्हेरिएंटमध्ये जाताना ८२,५७५ रुपयांपर्यंत जाते.
तुम्ही मारूती सुझुकीची EECO गाडी घेतलीय का? कारण कंपनीने…
Suzuki Access 125: सुझुकी एक्सेस 125 नुकतीच कंपनीने नवीन हाय-टेक फिचर्ससह अपडेट केली आहे. या स्कूटरचे सहा व्हेरियंट बाजारात उपलब्ध आहेत. स्कूटरच्या इंजिन आणि पॉवरबद्दल बोलायचे झाल्यास, यात १२४ सीसी सिंगल सिलेंडर इंजिन आहे, जे ८.७ पीएस पॉवर आणि १० एनएम पीक टॉर्क जनरेट करते. स्कूटरच्या पुढच्या चाकामध्ये डिस्क ब्रेक आणि मागील चाकामध्ये ड्रम ब्रेकचे संयोजन दिले आहे. यासोबत ट्यूबलेस टायर आणि अलॉय व्हील जोडण्यात आले आहेत. मायलेजबद्दल, कंपनीचा दावा आहे की सुझुकी एक्सेस 125 स्कूटर ५७.२२ किमीचा मायलेज देते आणि हे मायलेज ARAI ने प्रमाणित केले आहे. सुझुकी एक्सेस 125 ची सुरुवातीची किंमत रु. ७५,६०० (एक्स-शोरूम) असून टॉप व्हेरियंटमध्ये ८४,८०० रुपयांपर्यंत जाते.
