Video: टोयोटा इनोव्हा क्रिस्टाला Lamborghini चा जादुई टच; इंजिनसह लुकही पालटला, खर्च किती झाला पाहा

बहुपयोगी गाडीला स्पोर्ट्स SUV सारखा लुक देण्यासाठी या डिझायनरने कमाल मेहनत घेतली आहे. लॅम्बोर्गिनी उरुसची हुबेहूब प्रत नसली तरीही, टोयोटा इनोव्हा क्रिस्टा बॉडी किटसह लॅम्बोर्गिनीच्या स्तराचा लुक नक्कीच देतेय. लॅम्बोर्गिनीचा चेहरा मोहरा आणि टोयोटाचे उपयुक्त फीचर एकत्र करून तयार केलेली ही गाडी सर्वोत्तम फ्युजन असल्याचे कारप्रेमींचे म्हणणे आहे.

(Money Saving Hacks: कार विकत घेताना ‘हे’ महागडे फीचर वगळून करा मोठी बचत; पहा टिप्स)

Gokz Motography द्वारे युट्युबवर अपलोड केलेल्या व्हिडिओमध्ये टोयोटा इनोव्हा क्रिस्टाचे सानुकूलित डिझाईन पाहायला मिळते. स्ट्रीट-स्टाईल लुक देण्यासाठी. यात 18-इंच डार्क अलॉय व्हील्स आणि दरवाजाचे हँडल आणि कार्बन फायबर फिनिशसारखे काही इतर सूक्ष्म स्टाइलिंग घटक दिसून येतात. आपण पाहू शकता की या कारला एक मोठी लोखंडी जाळी देण्यात आली आहे, जी तुम्ही उरुसच्या डिझाईनमध्ये पाहू शकता. तसेच, लोखंडी जाळीच्या उजवीकडे बम्परची जागा घेणारी मोठी व्हेंटसारखी रचना देखील आहे.

टोयोटा इनोव्हा क्रिस्टाला लॅम्बोर्गिनीचा लुक

यासह कारच्या इंटिरिअरमध्येही बदल करण्यात आले आहेत. कार केबिनला रेड वाईन रंगाच्या कव्हर्ससह एक क्लासिक लुक देण्यात आला आहे. शिवाय, डॅशबोर्डवर कार्बन इन्सर्ट बसवण्यात आले आहे.विशेष म्हणजे कारच्या इंजिनमध्येही बदल करण्यात आला आहे. नव्या डिझाईनमध्ये आता स्टेज १ रीमॅप मिळतो. हे सर्व बदल अवघ्या ५ ते ६ लाख रुपयात करण्यात आले आहेत.