|| ज्योत्स्ना सुतवणी सोबत दिलेल्या सूचक माहितीवरून तुम्हाला दोन अक्षरी शब्द शोधून शब्दसाखळी (अंताक्षरी) पूर्ण करायची आहे. सूचक माहिती- १) याची कणसे भाजून किंवा उकडून खातात. २) या फणसातील गरे कडक, चवीला जास्त गोड व रुचकर असतात. ३) थर्मामीटरमध्ये याचा उपयोग केला जातो. ४) मेषपासून मीनपर्यंत एकूण १२ - आहेत. ५) शिजलेल्या भाताचा एक दाणा; थंड ६) --- तापला आहे तर भाकरी भाजून घ्या. (योग्य वेळी आपले काम साधून घ्यावे या अर्थाची म्हण) ७) पाणी किंवा द्रव पदार्थाचे उष्णतेमुळे बनणारे वायुरूप ८) जनावरांच्या अंगावरील मऊ व दाट केस ज्यांपासून टोप्या, जाकिटे बनवतात. ९) फाटलेले वस्त्र उभे-आडवे धागे घालून शिवणे १०) उमललेली कळी ११) रोग होऊ नये म्हणून देण्यात येणारे प्रतिबंधक औषध. १२) दोनने भाग जाणाऱ्या संख्यांना -- संख्या म्हणतात. उत्तरे- १) मका २) कापा ३) पारा ४) राशी ५) शीत ६) तवा ७) वाफ ८) फर ९) रफू १०) फूल ११) लस १२) सम
