बजाज फायनान्सतर्फे मुदत ठेवींवर ८.८५ टक्के व्याजदर

देशातील सर्वात मोठ्या वित्तीय सेवा समूहांतील बजाज फिनसर्व्हचा एक मुख्य भाग असलेल्या बजाज फायनान्स लिमिटेडने मुदत ठेवींवरील व्याजदरात वाढ केली आहे.

8 point 85 percent interest rate on fixed deposits by Bajaj Finance

बजाज फायनान्सतर्फे मुदत ठेवींवर ८.८५ टक्के व्याजदर ( संग्रहित छायाचित्र)/ लोकसत्ता

मुंबई : देशातील सर्वात मोठ्या वित्तीय सेवा समूहांतील बजाज फिनसर्व्हचा एक मुख्य भाग असलेल्या बजाज फायनान्स लिमिटेडने मुदत ठेवींवरील व्याजदरात वाढ केली आहे. कंपनीने ज्येष्ठ नागरिकांसाठी २५ ते ३५ महिन्यांच्या कालावधीतील मुदत ठेवींच्या व्याजदरात ६० आधारबिंदूंची (०.६ टक्क्यांपर्यंत) वाढ केली आहे. तर १८ ते २४ महिन्यांच्या कालावधीसाठी व्याजदरात ४० आधारबिंदूंची (०.४ टक्क्यांपर्यंत) वाढ केली आहे.

हे नवीन व्याजदर ३ एप्रिलपासून लागू झाले आहेत.तसेच सर्व नागरिकांसाठी, २५ ते ३५ महिन्यांच्या कालावधीतील ठेवींवरील व्याजदरात ४५ आधारबिंदूंची वाढ केली आहे. तर १८ आणि २२ महिन्यांच्या कालावधीसाठी व्याजदरात ४० आधारबिंदूंची, तर ३० आणि ३३ महिन्यांच्या कालावधीच्या ठेवींसाठी ३५ आधारबिंदूंची वाढ केली आहे. ज्येष्ठ नागरिक त्यांच्या मुदत ठेवींवर ८.८५ टक्क्यांपर्यंत व्याजदर मिळवू शकतात, तर सामान्य ग्राहकांना ४२ महिन्यांच्या कालावधीच्या मुदत ठेवीवर ८.६० टक्के दराने व्याज मिळेल.

First published on: 09-04-2024 at 07:35 IST

TOPICSबजाज Bajaj

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 8 point 85 percent interest rate on fixed deposits by bajaj finance print eco news amy