बिल गेट्स यांना भारताची डिजिटल प्रणाली आवडली अन् जगाला कुसुमची ओळख करून दिली; कोण आहे कुसुम?

बिल गेट्स यांनी सांगितली मोठी गोष्ट

बिल गेट्स यांनी त्यांच्या लिंक्डइन पोस्टमध्ये म्हटले आहे की, त्यांच्या भारत भेटीदरम्यान मला अशी शक्ती भेटली जी बदलाचे प्रतीक आहे. कुसुम असे या शक्तीचे नाव असून, ती तिच्या स्थानिक टपाल विभागात प्रशंसनीय काम करीत आहे. त्यांनी त्यांच्या पोस्टमध्ये पुढे म्हटले आहे की, भारत सर्वसमावेशक आर्थिक वाढीला गती देण्यासाठी डिजिटल सार्वजनिक पायाभूत सुविधा विकसित करण्यात आघाडीवर आहे, कुसुम सारख्या शाखा पोस्टमास्टर्सना स्मार्टफोन उपकरणे आणि बायोमेट्रिक्स वापरण्यास सक्षम बनवून संपूर्ण भारतातील ग्राहकांना बँकिंग सेवा प्रदान करून ती वापरण्यास सक्षम करते. हे केवळ एकात्मिक आर्थिक सेवाच देत नाही तर ते आपल्या समुदायाला आशा आणि आर्थिक सक्षमीकरण देखील बहाल करते.

फाउंडेशनमध्येही नमूद केले कुसुमचे नाव

बिल आणि मेलिंडा गेट्स फाऊंडेशनच्या वेबसाईटवर कुसुम यांच्याशी झालेल्या भेटीबाबत आणि भारताच्या डिजिटल प्रणालीबाबत उल्लेख करण्यात आला आहे. ज्याचे शीर्षक आहे ‘भारतातील डिजिटल बँकिंगची कथा – आणि एका तरुणीच्या करिअरची गोष्ट’. इंडिया पोस्ट पेमेंट्स बँक ७० दशलक्ष लोकांना रोख पैसे काढणे आणि ठेवी, उपयुक्तता पेमेंट यांसारख्या डिजिटल बँकिंग सेवा प्रदान करते. सार्वजनिक क्षेत्र आणि व्यवसाय देशातील कोठूनही सुरक्षितपणे आणि त्वरित पेपरलेस आणि कॅशलेस सेवा प्रदान करू शकतील, यासाठी देश आपली डिजिटल सार्वजनिक पायाभूत सुविधा विकसित करण्यात पुढे आहे, असंही वेबसाइटवर असे लिहिले आहे. तसेच एका व्हिडीओची लिंकही दिली असून, त्यात बंगळुरूच्या कुसुमबद्दल माहिती देण्यात आली आहे.