EPFO Interest Rates : कर्मचारी भविष्य निर्वाह निधी संघटनेच्या सदस्यांसाठी चांगली बातमी आहे. केंद्रीय कामगार मंत्री भूपेंद्र यादव यांनी एक महत्त्वाची बातमी दिली आहे. कामगार मंत्रालय २०२२-२३ या आर्थिक वर्षासाठी पीएफ सदस्यांना एकूण ८.१५ टक्के व्याजदर देण्याच्या दिशेने काम करीत आहे. एवढेच नाही तर एकूण २४ कोटी खात्यांमध्ये ८.१५ टक्के व्याज दिले गेले आहे. ईपीएफओ व्याजदराबाबत सरकारची पावले योग्य दिशेने पडत असल्याबद्दल त्यांचे सरकार समाधानी असल्याचे त्यांनी सांगितले.
EPFO स्थापना दिनानिमित्त कॅबिनेट मंत्र्यांनी माहिती दिली
७१ व्या EPFO स्थापना दिनी केंद्रीय कामगार मंत्र्यांनी यावर भर दिला. सरकारचे उद्दिष्ट भविष्य निर्वाह निधीची रक्कम ग्राहकांच्या खात्यात योग्य वेळी आणि योग्य व्याजासह हस्तांतरित करणे आहे. कॅबिनेट मंत्री म्हणाले की, २०२२-२३ मध्ये एकूण भविष्य निर्वाह निधी योगदान २.१२ लाख कोटी रुपये आहे, तर मागील वर्षी म्हणजे २०२१-२२ मध्ये ही रक्कम १.६९ लाख कोटी रुपये होती.
हेही वाचाः विश्लेषण : आयडीबीआय बँकेकडून मुंबई मेट्रो वनला दिवाळखोरी प्रकरणात कोर्टात खेचण्याचे कारण काय?
ईपीएफओच्या केंद्रीय विश्वस्त मंडळाने वार्षिक अहवालाला दिली मंजुरी
EPFO च्या केंद्रीय विश्वस्त मंडळाची २३४ वी बैठक मंगळवारी म्हणजेच ३१ ऑक्टोबर रोजी झाली. नवी दिल्ली येथे झालेल्या या बैठकीत बोर्डाने २०२२-२३ या आर्थिक वर्षासाठी EPFO चा वार्षिक अहवाल मंजूर केला आणि तो संसदेत सादर करण्याची शिफारस सरकारला केली.
हेही वाचाः २००० रुपयांच्या ९७ टक्के नोटा आल्या परत, आरबीआयने दिली माहिती
ईपीएफओच्या अहवालात ही आकडेवारी समोर आली
२०२२-२३ आर्थिक वर्षात EPFO चा एकूण गुंतवणूक निधी २१.३६ लाख कोटी रुपये आहे, ज्यामध्ये पेन्शन आणि भविष्य निर्वाह निधी या दोन्ही रकमेचा समावेश आहे. गेल्या वर्षी म्हणजेच २०२१-२२ या आर्थिक वर्षात ही रक्कम १८.३ लाख कोटी रुपये होती. जर आपण एकूण गुंतवणुकीची रक्कम पाहिली तर ती ३१ मार्च २०२३ रोजी १३.०४ लाख कोटी रुपये होती आणि गेल्या वर्षी हा आकडा ११ लाख कोटी रुपये होता. २०२२-२३ या आर्थिक वर्षात एकूण २.०३ लाख कोटी रुपयांची भर पडली आहे.
