scorecardresearch

Premium

सामाजिक बाजारमंच उभारण्यास ‘एनएसई’ला अंतिम मंजुरी

एनएसईला यापूर्वी नियामकांकडून तत्त्वतः मान्यता मिळाली होती.

सामाजिक बाजारमंच उभारण्यास ‘एनएसई’ला अंतिम मंजुरी
सामाजिक बाजारमंच उभारण्यास ‘एनएसई’ला अंतिम मंजुरी

देशातील आघाडीचा बाजारमंच असलेल्या राष्ट्रीय शेअर बाजाराला अर्थात एनएसईला भांडवली बाजार नियामक ‘सेबी’ने सामाजिक बाजारमंच अर्थात सोशल स्टॉक एक्स्चेंज (‘एसएसई मंच’) हा स्वतंत्र विभाग म्हणून सुरू करण्यास गुरुवारी अंतिम मंजुरी दिली. एनएसईला यापूर्वी नियामकांकडून तत्त्वतः मान्यता मिळाली होती.

हेही वाचा- एनसीएलटीकडून ‘झी’विरोधात दिवाळखोरी याचिकेला मान्यता

prof shyam manav lecture on challenges for Indian democracy
देशात समता व विज्ञानाच्या मूल्यांची अधोगती; प्रा.श्याम मानव म्हणाले, ‘असेच सुरू राहिले तर आपण स्वातंत्र्य गमावू’
pimpri-chinchwad-PCMC-1_ae7929
पिंपरी : ‘एसटीपी’वर लक्ष ठेवण्यासाठी खासगी सल्लागार नेमण्यास गृहनिर्माण संस्थाधारकांचा विरोध, निर्णय रद्द करा, अन्यथा…
Nirmala Sitharaman asserted that the government has succeeded in delivering social schemes to the intended beneficiaries
सामाजिक योजना इच्छित लाभार्थ्यांपर्यंत पोहोचवण्यात सरकारला यश – सीतारामन
bombay hc refuse to stop manoj jarange patil protest
मनोज जरांगेंना मुंबईत येण्यापासून रोखण्यास HC चा नकार; सदावर्तेंची मागणी फेटाळली, राज्य सरकारला दिले महत्त्वाचे आदेश

सोशल स्टॉक एक्स्चेंज (एसएसई) ही एक अभिनव संकल्पना आहे आणि अशा प्रकारच्या बाजारमंचाचा उद्देश खासगी आणि ना-नफा तत्त्वावर चालणाऱ्या संस्थांना इच्छित निधी देण्याचा आहे. सामाजिक बाजारमंचावर ना-नफा संस्था (एनपीओ) सूचिबद्ध केल्या जातील. या संस्थांना भांडवली बाजारांतर्गत विशेषरचित मंचावर सूचिबद्ध होण्याचा आणि त्यायोगे निधी उभारण्याचा अतिरिक्त मार्ग राष्ट्रीय शेअर बाजाराकडून खुला होणार आहे.

हेही वाचा- अर्थसंकल्पातील नवीन कर तरतुदींचा टाटा ट्रस्टसह धर्मादाय संस्थांना फटका

पात्र ना-नफा संस्थांसाठी पहिली पायरी ही सोशल स्टॉक एक्स्चेंज विभागामध्ये नोंदणीपासून सुरू होते. नोंदणीनंतर या संस्था सार्वजनिक इश्यू किंवा खासगी प्लेसमेंटच्या माध्यमातून ‘झिरो कूपन झिरो प्रिन्सिपल’सारखी साधने प्रसृत करून निधी उभारणीची प्रक्रिया सुरू करू शकतात. सध्या नियामकांनी ‘झिरो कूपन झिरो प्रिन्सिपल’ प्रसृत करण्यासाठी किमान इश्यू आकार १ कोटी आणि सबस्क्रिप्शनसाठी प्रत्येकी किमान २ लाख रुपये मर्यादा निर्धारित केली आहे. नफ्यासाठी सामाजिक उपक्रम असलेल्या (एफपीई) संस्थांची नोंदणी प्रक्रिया ही भांडवली बाजारात समभागांच्या सूचिबद्धतेच्या सध्याच्या प्रक्रियेप्रमाणेच असेल.

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Final approval to nse to set up social market platform dpj

First published on: 24-02-2023 at 13:44 IST

संबंधित बातम्या

तुम्ही या बातम्या वाचल्या आहेत का? ×