scorecardresearch

Premium

मोदी सरकारने सात वर्षांत २००० रुपयांच्या नोटा वितरणातून केल्या बाहेर, छपाईवर १७,६८८ कोटी रुपये खर्च

अर्थ राज्यमंत्री पंकज चौधरी म्हणाले की, आरबीआयच्या म्हणण्यानुसार, २ हजार रुपयांच्या नोटांच्या छपाईवर एकूण १७,६८८ कोटी रुपये खर्च झाले आहेत.

2000 rupees note
(फोटो क्रेडिट- प्रातिनिधिक)

2000 Rupee Notes: बँकिंग क्षेत्रातील नियामक रिझर्व्ह बँक ऑफ इंडियाने १९ मे २०२३ ला अचानक २ हजार रुपयांच्या नोटा वितरणातून काढून घेण्याची घोषणा केली. फक्त ७ वर्षांपूर्वी ८ नोव्हेंबर २०१६ रोजी पंतप्रधान नरेंद्र मोदी यांनी जुन्या ५०० आणि १००० रुपयांच्या नोटा चलनातून बाद करण्याची घोषणा केल्यानंतर २ हजार रुपयांच्या नोटा बाजारात आणण्यात आल्या. बँकिंग सिस्टीममध्ये रोख रक्कम इंजेक्ट करण्यासाठी आरबीआयने घाईघाईने २ हजार रुपयांच्या नोटा बँकिंग प्रणालीमध्ये आणल्या. पण तुम्हाला माहिती आहे का? २ हजारांच्या नोटा छापण्यासाठी किती पैसे खर्च झाले? याचा खुलासा सरकारने संसदेत केला आहे. आरबीआयच्या म्हणण्यानुसार, २ हजार रुपयांच्या नोटा छापण्यासाठी एकूण १७,६८८ कोटी रुपये खर्च झाले आहेत.

२ हजारांच्या नोटा छापण्यासाठी १७,६८८ कोटी रुपये खर्च

संसदेच्या हिवाळी अधिवेशनाच्या पहिल्या दिवशी लोकसभेत अर्थमंत्र्यांना हा प्रश्न विचारण्यात आला, तेव्हा सरकारने आतापर्यंत २ हजार रुपयांच्या नोटांच्या छपाईवर किती पैसा खर्च केला? या प्रश्नाच्या लेखी उत्तरात अर्थ राज्यमंत्री पंकज चौधरी म्हणाले की, आरबीआयच्या म्हणण्यानुसार, २ हजार रुपयांच्या नोटांच्या छपाईवर एकूण १७,६८८ कोटी रुपये खर्च झाले आहेत.

Theft house former Shivsena corporator
ठाणे : शिवसेनेच्या माजी नगरसेवकाच्या घरात चोरी, ४३ लाख रुपयांचा मुद्देमाल चोरट्यांनी केला लंपास
lokmanas
लोकमानस: नऊ टक्क्यांच्या खालचे आणि वरचे..
11600 crore projects in Assam inaugurated by Narendra Modi
आसाममध्ये ११,६०० कोटींच्या प्रकल्पांचे मोदींच्या हस्ते लोकार्पण
Enforcement Directorate likely to file a case in the extortion case of 164 crores
१६४ कोटींच्या खंडणीप्रकरणी ईडीही गुन्हा दाखल करण्याची शक्यता

हेही वाचाः Money Mantra : सुरक्षित अन् असुरक्षित कर्जामध्ये फरक काय? कोणता पर्याय सर्वोत्तम? जाणून घ्या

काँग्रेसचे लोकसभा खासदार मनीष तिवारी यांनी आरबीआय आणि सरकारला २ हजार रुपयांच्या नोटा चलनातून बाद करण्याच्या कारणाबाबत प्रश्न केला असता, या प्रश्नाच्या लेखी उत्तरात अर्थ राज्यमंत्री म्हणाले की, आरबीआयने स्वच्छ नोट धोरण विचारात घेत चलन व्यवस्थापन ऑपरेशन अंतर्गत १९ मे २०२३ रोजी २ हजार रुपयांची नोट वितरणातून काढून घेण्याची घोषणा केली. ते म्हणाले की, २ हजार रुपयांच्या ८९ टक्क्यांहून अधिक नोटा मार्च २०१७ पूर्वी जारी करण्यात आल्या होत्या आणि ४ ते ५ वर्षांत या नोटांचा अवधी संपणार आहे. पंकज चौधरी म्हणाले की, सर्वसामान्यांच्या मागणीची पूर्तता करण्यासाठी इतर मूल्यांच्या बँक नोटा पुरेशा प्रमाणात स्टॉकमध्ये आहेत.

हेही वाचाः रिझर्व्ह बँकेने कडक कारवाई करत महाराष्ट्रातील ‘या’ बँकेचा परवाना केला रद्द, आता ग्राहकांच्या पैशाचे काय होणार?

७.४० लाख कोटी रुपयांचा पुरवठा

वित्त राज्यमंत्री म्हणाले की, २०१६-१७ ते २०१८-१९ दरम्यान RBI ने ७.४० लाख कोटी रुपयांच्या २ हजारांच्या नोटांचा पुरवठा केला आहे. RBI ने १९ मे २०२३ रोजी बँकिंग प्रणालीतून २ हजार रुपयांच्या नोटा काढून घेण्याची घोषणा केली तेव्हा बँकिंग प्रणालीमध्ये ३.५६ लाख कोटी रुपयांच्या नोटा होत्या. ३० नोव्हेंबरपर्यंत यापैकी ३.४६ लाख कोटी रुपयांच्या नोटा परत आल्या असून, ९७६० कोटी रुपयांच्या नोटा अजूनही चलनात उरल्या आहेत, ज्या बँकिंग व्यवस्थेत परत यायच्या आहेत.

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Modi government spent rs 176 crore on printing apart from distribution of rs 2000 notes in seven years vrd

First published on: 05-12-2023 at 16:20 IST

संबंधित बातम्या

तुम्ही या बातम्या वाचल्या आहेत का? ×