सेन्सेक्स प्रथमच ७५ हजारांवर विराजमान

दिवसअखेर, सेन्सेक्स ३५४.४५ अंशांनी वधारून ७५,०३८.१५ या सर्वोच्च पातळीवर स्थिरावला. दिवसभरात निर्देशांकाने ४२१.४४ अंशांची मुसंडी घेत किंवा ७५,१०५.१४ अंशांची पातळी गाठली. तर निफ्टीने १११.०५ टक्क्यांची भर घालत २२,७५३.८० अंशांचे विक्रमी शिखर स्थिरावला. दिवसभरात, तो १३२.९५ अंशांनी वाढून २२,७७५.७० या सर्वोच्च पातळीला स्पर्श केला.

हेही वाचा…मार्चमध्ये इक्विटी म्युच्युअल फंडांतील ओघ आटला

भारतीय भांडवली बाजार हे आशियाई आणि युरोपीय भांडवली बाजाराच्या किंचित मागे असले तरी, व्यापक बाजारपेठेतील मजबूत कामगिरीमुळे त्यांनी गती कायम ठेवली आहे. अमेरिकेतील महागाई दराची आकडेवारी आणि त्यांनतर फेडरल रिझर्व्हच्या व्याजदर धोरणाबाबत बैठकीकडे गुंतवणूकदारांचे लक्ष लागले आहे, असे निरीक्षण जिओजित फायनान्शिअल सर्व्हिसेसचे संशोधन प्रमुख विनोद नायर यांनी नोंदवले.

सेन्सेक्समधील आघाडीच्या समभागांमध्ये, आयटीसी, कोटक महिंद्र बँक, भारती एअरटेल, स्टेट बँक, एशियन पेंट्स, टेक महिंद्र, रिलायन्स इंडस्ट्रीज आणि नेस्ले यांचे समभाग वधारले. तर मारुती, एचडीएफसी बँक, लार्सन अँड टुब्रो आणि महिंद्र अँड महिंद्रच्या समभागात घसरण झाली. मंगळवारच्या सत्रात परदेशी संस्थागत गुंतवणूकदारांनी ५९३.२० कोटी रुपये मूल्याच्या समभागांची विक्री केली.

हेही वाचा…Gold-Silver Price on 10 April 2024: सोने-चांदी पुन्हा महागले, पाहा आजचा भाव

सेंसेक्स ७५,०३८.१५ ३५४.४५ (०.४७%)

निफ्टी २२,७५३.८० १११.०५ (०.४९%)
डॉलर ८३.१९ -१२

तेल ८९.५८ ०.१८