Share Market Today : सकारात्मक अर्थ-घडामोडींनी बाजारात उत्साह; ‘सेन्सेक्स’ची पुन्हा ७५ हजारांकडे चाल

राष्ट्रीय शेअर बाजाराचा निर्देशांक निफ्टी ४३.३५ अंशांनी वधारून २२,६४८.२० पातळीवर बंद झाला

share market today sensex up 128 points nifty settles above 22650

(संग्रहित छायाचित्र) इंडियन एक्स्प्रेस

एप्रिलमधील विक्रमी जीएसटी संकलन, निर्मिती क्षेत्राशी संबंधित सकारात्मक पीएमआय आकडेवारी आणि परदेशी निधीचा ओघ यामुळे भांडवली बाजारात प्रमुख निर्देशांनी गुरुवारी पुन्हा उसळी घेतली. गुरुवारी दिवसअखेर मुंबई शेअर बाजाराचा निर्देशांक सेन्सेक्स १२८.३३ अंशांनी वधारून तो ७४,६११.११ पातळीवर स्थिरावला. दिवसभरात त्याने ३२९.६५ अंशांची कमाई करत ७४,८१२.४३ या सत्रातील उच्चांकी पातळीला स्पर्श केला. दुसरीकडे राष्ट्रीय शेअर बाजाराचा निर्देशांक निफ्टी ४३.३५ अंशांनी वधारून २२,६४८.२० पातळीवर बंद झाला.

हेही वाचा >>> नामिबियामध्ये ‘यूपीआय’सारखी प्रणाली विकसित करण्यासाठी एनपीसीआय करारबद्ध

आणखी वाचा

Sensex falls due to rising tensions in Gulf countries and equity sell off

समभाग विक्रीच्या तुफान माऱ्याने सेन्सेक्स ८२ हजारांखाली

aarya jadhao missing in Bigg boss marathi reunion

Bigg Boss Marathi 5: सर्व एलिमिनेटेड सदस्यांची घरात…

gautam adani group and electric power projects in maharashtra

अदानींसाठी कायदे आणि महाराष्ट्रहितही पायदळी!

congress mp praniti shinde alleged plastic mixed rice distributed to ration card holders

प्लास्टिक तांदूळ खाण्यास मारक की पोषक? खासदार प्रणिती शिंदे यांच्या आरोपाने वाद; प्रशासनाचा अनुकूल दावा

सेन्सेक्स-निफ्टीचे उच्चांकी शिखर

edible oil companies ignore central government order over price hike

केंद्र सरकारचा आदेश खाद्यतेल कंपन्यांनी धुडकावला ? जाणून घ्या, ग्राहकांवर काय परिणाम होणार

इन्फ्रास्ट्रक्चर फंड : स्वयंप्रकाशित तू तारा…

विरोधी पक्षनेत्यांच्या आरोपांबाबत स्पष्टीकरण, रिन्यू कंपनीची महाराष्ट्रातच गुंतवणूक

अमेरिकी मध्यवर्ती बँक फेडरल रिझर्व्हने बुधवारी मध्यरात्री (भारतीय प्रमाण वेळेनुसार) व्याजदर आहे त्या पातळीवर कायम ठेवण्याचा निर्णय घेतल्यानंतर त्याचे कोणतेही नकारात्मक सावट न दिसता उलट निर्देशांकांमध्ये वाढ दिसून आली. आगामी काळात फेडने महागाईबाबत सावध दृष्टिकोन कायम राखतानाच, संभाव्य दरकपातीचे संकेतही दिले आहेत. दुसरीकडे देशांतर्गत आघाडीवर वाहन निर्मात्या कंपन्यांच्या चांगल्या कामगिरीमुळे त्या क्षेत्रातील कंपन्यांचे समभाग वधारले, असे निरीक्षण जियोजित फायनान्शियल सर्व्हिसेसचे संशोधन प्रमुख विनोद नायर यांनी नोंदवले.

हेही वाचा >>> निर्मिती क्षेत्राचा वेग मंदावला; एप्रिलमध्ये पीएमआय निर्देशांक घसरून ५८.८ गुणांकावर

वस्तू आणि सेवा कर (जीएसटी) संकलन एप्रिलमध्ये १२.४ टक्क्यांनी वाढून २.१० लाख कोटी रुपयांच्या विक्रमी उच्चांकावर पोहोचले. मजबूत आर्थिक गती, देशांतर्गत व्यवहार आणि आयात वाढल्याने संकलन विक्रमी पातळीवर पोहोचले आहे, असे अर्थमंत्रालयाने बुधवारी सांगितले. देशातील निर्मिती क्षेत्राचा प्रवास नोंदविणाऱ्या ‘एचएसबीसी इंडिया’द्वारे, निर्मिती क्षेत्रातील खरेदी व्यवस्थापकांचा कल जोखणारा पीएमआय निर्देशांक मार्च महिन्यासाठी ५८.८ गुणांकावर पोहोचला आहे. सेन्सेक्समध्ये पॉवर ग्रिड, एशियन पेंट्स, टाटा मोटर्स, टाटा स्टील, एनटीपीसी, सन फार्मा, महिंद्र अँड महिंद्र, एचडीएफसी बँक, टाटा कन्सल्टन्सी सर्व्हिसेस आणि जेएसडब्ल्यू स्टील यांचे समभाग वधारले. कोटक महिंद्र बँक, भारती एअरटेल, ॲक्सिस बँक, विप्रो, आयसीआयसीआय बँक आणि इंडसइंड बँक यांचे समभाग पिछाडीवर होते.

First published on: 02-05-2024 at 23:09 IST

Web Title: Share market today sensex up 128 points nifty settles above 22650 print eco news zws