वेदान्तचे सप्टेंबरअखेरपर्यंत विलगीकरण अपेक्षित

दुसऱ्या तिमाहीच्या अखेरीस विलगीकरण पूर्ण करण्याच्या मार्गावर आहोत. सप्टेंबरच्या अखेरीस, विलगीकरण पूर्ण होईल अशी आशा आहे, असे गोयल यांनी सांगितले. वेदान्त लिमिटेडच्या विलगीकरणाला ९९.९९ टक्के भागधारकांनी यापूर्वीच मंजुरी दिली आहे. कंपनीने याआधी सहा स्वतंत्र सूचिबद्ध कंपन्यांची आखणी करत असल्याचे म्हटले होते. मात्र त्यानंतर विलगीकरण योजनेमध्ये बदल करत वेदान्त बेस मेटल ही कंपनी मुख्य कंपनीसोबतच ठेवण्याचा निर्णय घेण्यात आला. भागधारकांच्या गुंतवणुकीचे मूल्यवर्धन करण्यासाठी आणि व्यवसायानुरूप सुसूत्रीकरणासाठी हा निर्णय घेण्यात आल्याचे कंपनीकडून स्पष्ट करण्यात आले आहे.

खाणकाम क्षेत्रातील वेदान्त जस्त, चांदी, शिसे, ॲल्युमिनियम, क्रोमियम, तांबे, निकेल यांच्या उत्खननांत कार्यरत आहे. याचबरोबर तेल आणि वायू, पोलाद, स्टील, वीज, कोळसा आणि अक्षय्य ऊर्जेसह विविध क्षेत्रांत वेदान्त पॉवर तिचा व्यवसाय विस्तार आहे. कंपनीने सेमीकंडक्टर आणि डिस्प्ले ग्लासच्या निर्मितीमध्ये प्रवेश केला आहे. कंपन्या विलग झाल्यानंतर, प्रत्येक सूचिबद्ध कंपनीला स्वतंत्र व्यवस्थापन, भांडवल उपलब्ध होईल. शिवाय संभाव्य आणि वास्तविक मूल्यापर्यंत वाढण्याचे अधिक स्वातंत्र्य असेल. प्रत्येक कंपनीची स्वतःची बाजारपेठ, मागणी-पुरवठा आणि तंत्रज्ञानाचा वापर करून उत्पादकता वाढवण्याची क्षमता आहे.