८ लाखांपर्यंतच्या पगारावर कोणताही कर लागणार नाही का? बजेटमध्ये मिळू शकते आनंदाची बातमी!

५० हजार रुपयांची अतिरिक्त सूट दिली जाऊ शकते

करदात्यांना खूश करण्यासाठी सरकार २०२४ च्या बजेटमध्ये नवीन कर प्रणालीमध्ये किरकोळ बदल करू शकते. यामध्ये सध्याची कर सवलत वाढविण्याची मागणी जोर धरू लागली आहे. सध्याच्या कर प्रणालीमध्ये कर सूट ७ लाख रुपये आहे. हे ७.५ लाख रुपये केले जाऊ शकते. म्हणजे ५० हजार रुपयांची अतिरिक्त सूट दिली जाऊ शकते. यापूर्वी मोदी सरकारने नव्या कर प्रणालीमध्ये सूट मर्यादा ५ लाख रुपयांवरून ७ लाख रुपये केली होती. यामध्ये कलम ८७(अ) मधील सवलत १२,५०० रुपयांवरून २५००० रुपये करण्यात आली आहे.

हेही वाचाः गौतम अदाणी धारावीच्या कायापालटासाठी पूर्णतः तयार, आता फक्त फेब्रुवारीची प्रतीक्षा

८ लाखांपर्यंतचे उत्पन्न करमुक्त होणार?

८ लाख रुपयांपर्यंतचा पगार येत्या आर्थिक वर्षात करमुक्त होऊ शकतो. अर्थसंकल्पात अशी तरतूद केल्यास करमाफीची मर्यादा आठ लाख रुपयांपर्यंत असू शकते, असे कर तज्ज्ञांचे मत आहे. सध्या ७.५ लाख रुपयांपर्यंतच्या उत्पन्नावर कर सूट आहे. यामध्ये मूलभूत सूट, सूट आणि मानक वजावटदेखील समाविष्ट आहे.

हेही वाचाः Ayodhya Ram Mandir : अयोध्येत धार्मिक पर्यटन वाढल्याने २ लाख लोकांना रोजगार मिळण्याची शक्यता, दरवर्षी ५ कोटी पर्यटक येणार

स्टँडर्ड डिडक्शनचं गिफ्ट मिळणार

२०२३-२४ च्या केंद्रीय अर्थसंकल्पात अर्थमंत्री निर्मला सीतारामण यांनी नवीन कर प्रणालीत बदल केले होते. यामध्ये मूळ सूट मर्यादा २.५ लाख रुपयांवरून ३ लाख रुपये करण्यात आली होती. तसेच ५ लाखांपर्यंतच्या सूटची मर्यादा वाढवून ७ लाख रुपये करण्यात आलीय. याशिवाय स्टँडर्ड डिडक्शनचा फायदाही त्यात जोडण्यात आला आहे. यानंतर ७.५ लाख रुपयांपर्यंतचे उत्पन्न करमुक्त झाले.