ऑनलाईन रिटेल जायंट अॅमेझॉनने जाहीर केले आहे की ते भारतात १६ आणि १७ सप्टेंबर रोजी पहिल्यांदाच करिअर डे आयोजित करणार आहे. करिअर डेमध्ये अॅमेझॉनचे मुख्य कार्यकारी अधिकारी अँडी जॅसी यांच्याशी फायरसाइड चॅटसह मनोरंजक आणि माहितीपूर्ण सत्रे असतील, जे स्वतःचा करिअरचा अनुभव आणि नोकरी शोधणाऱ्यांसाठी सल्ला सामायिक करतील. अॅमेझॉन इंडियाचे ग्लोबल सीनियर व्हाईस प्रेसिडेंट आणि कंट्री हेड अमित अग्रवाल ओपनिंग इंडिया कीनोट देतील, त्यानंतर अॅमेझॉन नेते आणि कर्मचाऱ्यांशी पॅनल चर्चा होईल.

असा असेल करिअर डे

१६ आणि १७ सप्टेंबर या दोन दिवसांमध्ये अॅमेझॉनने भरती करणाऱ्यांसोबत वन ऑण वन विनामूल्य करिअर कोचिंग सत्र आयोजित केले आहे. अॅमेझॉन करिअर डे १६ सप्टेंबर रोजी सकाळी १० वाजता सुरू होईल.कार्यक्रमाचा भाग म्हणून, कंपन्या जॉब सर्च प्रक्रियेला प्रभावीपणे कसे सामोरे जायचे, रिझ्युमे-बिल्डिंग कौशल्ये आणि मुलाखतीसाठी सल्ला देतील जे उमेदवारांना त्यांच्या योग्य नोकरीच्या शोधात मदत करतील.

आणखी वाचा
66364 crore collection through new 185 schemes of mutual funds
म्युच्युअल फंडांचे नवीन १८५ योजनांद्वारे ६६,३६४ कोटींचे संकलन
Kalamboli, 8 thousand Electricity Consumers , Left Without Power , for Hours, Accidental Power Line Cut, kalamboli no electricity, kalamboli electricity cut,
कळंबोलीतील ८ हजार विजग्राहक सात तास विजेविना
BMC Recruitment 2024
बृहन्मुंबई महानगरपालिकेत ‘या’ पदासाठी निघाली मोठी भरती! ९० हजारपर्यंत मिळू शकतो पगार
Pune Airport s New Terminal still not open for public
अजित पवारांनी आधी सांगूनही पुणेकरांचे अखेर ‘एप्रिल फूल’! जाणून घ्या नेमके प्रकरण…

थेट नोकरीची संधी

अॅमेझॉनने हे देखील जाहीर केले आहे की ते सध्या देशातील ३५ शहरांमध्ये ८,००० पेक्षा जास्त थेट नोकरीच्या संधी उपलब्ध करून देणार आहेत. ज्यात बेंगळुरू, हैदराबाद, चेन्नई, गुडगाव, मुंबई, कोलकाता, नोएडा, अमृतसर, अहमदाबाद, भोपाळ, कोईमतूर, जयपूर, कानपूर,लुधियाना, पुणे, सूरत या शहरांचा समावेश आहे. या नोकरीच्या संधी कॉर्पोरेट, तंत्रज्ञान, ग्राहक सेवा आणि ऑपरेशन्स रोलमधल्या असतील.

अनेकांना मिळतोय रोजगार

सध्या, अॅमेझॉन अभियांत्रिकी, उपयोजित विज्ञान, व्यवसाय व्यवस्थापन, पुरवठा साखळी, ऑपरेशन्स, वित्त, एचआर ते विश्लेषणे, सामग्री निर्मिती आणि अधिग्रहण, विपणन, रिअल इस्टेट, कॉर्पोरेट सुरक्षा, व्हिडिओ, संगीत आणि बरेच काही यासारख्या विविध क्षेत्रांमध्ये १ लाख व्यावसायिकांना रोजगार देते . अॅमेझॉनसाठी भारत हे दुसऱ्या क्रमांकाचे तंत्रज्ञान केंद्र आहे.

अॅमेझॉन २०२५ पर्यंत भारतात २० लाख प्रत्यक्ष आणि अप्रत्यक्ष रोजगार निर्माण करण्यासाठी वचनबद्ध आहे आणि आतापर्यंत भारतात एकूण १० लाख नोकऱ्या निर्माण झाल्या आहेत, असे कंपनीने म्हटले आहे.