मुंबई उच्च न्यायालय औरंगाबाद खंडपीठ, औरंगाबादमध्ये शिपाई पदासाठी एकूण ६८ पदांची भरती. पात्रता - (अ) किमान सातवी उत्तीर्ण आणि चांगली शरीरयष्टी असावी. वयोमर्यादा - १८ ते ३८ वर्षेपर्यंत (अजा/ अज/इमाव/विमाप्र - ४३ वर्षेपर्यंत, विकलांग - ४५ वर्षेपर्यंत). निवड पद्धती - लेखी परीक्षा, शारीरिक क्षमता व विशेष अर्हता (१० गुण) चाचणी परीक्षा आणि मुलाखत घेतली जाईल. (अ) लेखी परीक्षा ३० गुणांची, (ब) शारीरिक क्षमता व विशेष अर्हता चाचणी (१० गुण), (क) मुलाखत १० गुणांसाठी घेतली जाईल. (उमेदवारांनी मुलाखतीस येताना मूळ प्रमाणपत्रे साक्षांकित प्रतींसह तपासणीस आणावीत.) ऑनलाइन अर्ज या संकेतस्थळावर दि. २१ एप्रिल, २०१८ पर्यंत करावेत. या भरतीसाठी कोणतेही शुल्क आकारलेले नाही. इंडियन इन्स्टिटय़ूट ऑफ सायन्स, बंगलोर (आयआयएससी) येथे अनुसूचित जाती/अनुसूचित जमातीच्या उमेदवारांना ‘समर फेलोशिप इन सायन्स अ‍ॅण्ड इंजिनीअरिंग-२०१८’ साठी प्रवेश. पात्रता - अजा/ अज उमेदवार जे एमएससी (बायोलॉजिकल/फिजिकल/केमिकल/मॅथेमॅटिकल सायन्सेस) च्या पहिल्या वर्षांला शिकत आहेत किंवा बीई/बीटेक(कोणतीही शाखा)मधील तिसऱ्या वर्षांचे विद्यार्थी. आर्थिकमदत - (१) दुसऱ्या वर्गाचे स्लिपर कोच रेल्वे तिकिटाएवढे भाडे (घरापासून आयआयएससीपर्यंत आणि परत) (२) आयआयएस्सीमध्ये मोफत राहण्याची/जेवणाची सोय. (३) फेलोशिप रु. ५,०००/- आणि पुस्तकांसाठी रु. १,५००/- दिले जातील. ऑनलाइन अर्ज www.iisc.ac.in या संकेतस्थळावर करावेत. ऑनलाइन अर्जाची पिट्रआऊट घेऊन त्यावर पासपोर्ट आकाराचा कलर फोटो चिकटवून कॉलेजच्या प्राचार्यानी सही केलेले स्टडी सर्टिफकेट पीडीएफ/जेपीजी फॉरमॅटमध्ये स्कॅन करून वरील संकेतस्थळावर दि. २५ एप्रिल २०१८ पर्यंत अपलोड करावेत. महाराष्ट्र स्टेट पोलीस हाऊसिंग अ‍ॅण्ड वेल्फेअर कॉर्पोरेशन लिमिटेड, प्लॉट नं. ८९-८९ ए, पोलीस ऑफिसर्स मेसजवळ, पोचखानवाला रोड, वरळी, मुंबई - ४०० ०३० ‘क्लर्क-टायपिस्ट’ पदांची ११ महिन्यांच्या करार पद्धतीने भरती. पात्रता - १२वी उत्तीर्ण, मराठी टायिपग ३० श.प्र.मि. आणि इंग्लिश टायिपग ४० श.प्र.मि. शासकीय प्रमाणपत्र परीक्षा उत्तीर्ण, एमएससीआयटी प्रमाणपत्र, कॉम्प्युटर चालविण्याचे ज्ञान, कन्स्ट्रक्शन कंपनी/आíकटेक्चर ऑफिसर/पीएमसी ऑफिसमधील कामाचा अनुभव. वेतन - दरमहा रु. १२,०००/- वयोमर्यादा - ३६ वर्षेपर्यंत. निवड पद्धती - शॉर्ट लिस्टेड उमेदवारांना मुलाखतीसाठी बोलाविले जाईल. संपर्क - सुषमा पित्रे ९१६७२१७३१३, ई-मेल आयडी - gm@msphc.org . विहित नमुन्यातील अर्ज www.msphc.org या संकेतस्थळावरून डाऊनलोड करून घेता येतील. अर्ज स्वीकारण्याचा अंतिम दि. २३ एप्रिल २०१८. - सुहास पाटील suhassitaram@yahoo.com
