ऑनलाइन पॅनकार्ड कसे काढावे?

कोणत्याही आर्थिक व्यवहारासाठी पॅन कार्ड अत्यंत आवश्यक आहे.

कोणत्याही आर्थिक व्यवहारासाठी पॅन कार्ड अत्यंत आवश्यक आहे. तसेच फोटो, ओळखपत्र आणि पत्त्याचा पुरावा यासाठी पॅनकार्ड गरजेचे असते. तुम्हाला स्वत: जाऊन पॅनकार्ड काढणे शक्य नसल्यास पॅनकार्ड ऑनलाइनही काढता येते. त्यासाठी पॅनकार्डसाठी ऑनलाइन अर्ज करावा लागेल.

  • सर्वप्रथम -प्रथम https://india.gov.in/apply-online-new-pan-card िया संकेतस्थळावर जावे. तिथे पॅनकार्डसाठी ऑनलाइन अर्ज दाखल करण्याच्या लिंकवर क्लिक करावे.
  • याच संकेतस्थळावरून पॅनकार्डसाठीचा अर्ज डाउनलोड करून घ्यावा.
  • या अर्जात विचारल्याप्रमाणे दिलेली माहिती भरावी.
  • माहिती भरल्यानंतर तुम्हाला पॅनकार्ड काढण्यासाठी काही रक्कम भरावी लागेल. ही रक्कम क्रेडिट, डेबिट कार्ड अथवा इंटरनेट बँकिंगद्वारे तुम्हाला भरावी लागेल.
  • अर्ज भरल्यानंतर तुम्हाला हा अर्ज पाठविण्यासाठीचा पत्ता, आवश्यक असणारी कागदपत्रे, पासपोर्ट आकाराचा फोटो याबाबतची माहिती असणारे पत्र देण्यात येईल.
  • तुम्ही ही कागदपत्रे पाठविण्यासाठी वापरण्यात येणाऱ्या पाकिटावर विषयामध्ये पॅनकार्डसाठी अर्ज आणि तुम्हाला मिळालेल्या माहितीपत्रावरील क्रमांक टाकावा.
  • पुढील पंधरा दिवसांत तुम्हाला तुमचे पॅनकार्ड मिळेल. ते न मिळाल्यास तुम्ही https://tin.tin.nsdl.com/tan/servlet/PanStatusTrack या संकेतस्थळाला भेट देऊ शकता व पुढील माहिती मिळवू शकता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Online pan card application process