Success story of ias srishti dabas: यूपीएससी परीक्षा ही देशातील सर्वांत कठीण परीक्षांपैकी एक मानली जाते. काही लोक एकाच प्रयत्नात ही परीक्षा उत्तीर्ण होतात; तर काहींना अनेक वर्षे लागतात. या परीक्षेत अनेक वेळा लोकांना अपयशाला सामोरे जावे लागते. तथापि, बरेच लोक त्यांच्या कठोर परिश्रम आणि चिकाटीने पहिल्याच प्रयत्नात उत्तीर्ण होतात. आपण IAS सृष्टी डबास बद्दल बोलत आहोत, जिने २०२३ च्या नागरी सेवा परीक्षेत कोचिंगशिवाय ऑल इंडिया रँक (AIR) ६ मिळवली.
एकट्या आईने वाढवले
सृष्टी डबास हिचा जन्म १३ ऑक्टोबर १९९८ रोजी राणीखेडा गावात झाला. तिच्या जन्मदिनी कोणतेही सेलिब्रेशन झाले नाही. घरात मुलीचा जन्म झाल्याने समस्या निर्माण झाल्याची कुटुंबीयांची भावना होती. काही काळानंतर तिचे पालक वेगळे झाले. मग तिच्या आईने तिला एकटीने स्वबळावर वाढवले. आईचा संघर्ष पाहून, सृष्टीने ठरवले की, ती केवळ तिच्या आईचेच जीवन सोपे करणार नाही, तर संपूर्ण देशासाठी अन्यायाविरुद्ध लढेल.
पदवीनंतर सृष्टीने सामाजिक न्याय आणि सक्षमीकरण मंत्रालयात काम केले. येथे काम केल्यानंतर सृष्टीने मुंबईत रिझर्व्ह बँक ऑफ इंडिया (RBI)मध्येही काम केले. नोकरीसोबतच, सृष्टीने नागरी सेवेत सामील होण्याचा निर्णय घेतला. तिने नोकरीसोबतच यूपीएससीची तयारी सुरू केली.
दिवसा काम आणि रात्री अभ्यास
ती दिवसा काम करायची आणि रात्री अभ्यास करायची. तिने कोणत्याही कोचिंगशिवाय पहिल्याच प्रयत्नात UPSC नागरी सेवा परीक्षा २०२३ मध्ये संपूर्ण भारतात सहावा क्रमांक मिळवला. तथापि, तिचा हा प्रवास सोपा नव्हता. सृष्टीने त्यासाठी खूप मेहनत घेतली.
तरुणांसाठी संदेश
तरुणांना संदेश देताना ती म्हणाली की, यूपीएससीची तयारी करणाऱ्यांनी केवळ कोचिंग नोट्सवर अवलंबून राहू नये. त्याऐवजी वेगवेगळ्या पुस्तकांमधून अभ्यास करावा. तसेच दररोज ३-४ वर्तमानपत्रे वाचण्याचा प्रयत्न करा. सृष्टी डबास यांचे हे यश त्या सर्व यूपीएससी उमेदवारांसाठी प्रेरणादायी आहे, जे कठोर परिश्रम करून आपली स्वप्ने पूर्ण करू इच्छितात.
