सात महिन्यांत पूर्ण केला यूपीएससी मेन्सचा अभ्यासक्रम, AI ची घेतली मदत; वाचा 'या' आयएएस अधिकाऱ्याची गोष्ट

Who is Vibhor Bhardwaj : यूपीएससी नागरी सेवा परीक्षा ही देशातील सर्वात कठीण परीक्षांपैकी एक मानली जाते. ही परीक्षा एकदा पास होण्यासाठी बराच संघर्ष करावा लागतो.

success story of Vibhor Bhardwaj In Marathi

विभोर भारद्वाज सक्सेस स्टोरी! (फोटो सौजन्य: @linkedin)

Success Story Of Vibhor Bhardwaj : यूपीएससी नागरी सेवा परीक्षा ही देशातील सर्वात कठीण परीक्षांपैकी एक मानली जाते. ही परीक्षा एकदा पास होण्यासाठी बराच संघर्ष करावा लागतो. पण, काही विद्यार्थी वा उमेदवार असे असतात जे आयएएस, आयपीएस अधिकारी बनण्यासाठी दोन ते तीन वेळा परीक्षा देतात. तर आज आपण अशाच एका व्यक्तीबद्दल जाणून घेणार आहोत, ज्याने यूपीएससी २०२२ मध्ये ऑल इंडिया रँक ७४३ मिळवूनही २०२४ मध्ये तिसऱ्यांदा परीक्षा दिली.

कोण आहे विभोर भारद्वाज (Who Is Vibhor Bhardwaj)

उत्तर प्रदेशातील बुलंदशहर जिल्ह्यातील उत्रावली गावातील रहिवासी असलेले विभोर भारद्वाज यांनी २०२२ च्या यूपीएससी परीक्षेत ऑल इंडिया रँक (एआयआर) ७४३ मिळवून प्रसिद्धी मिळवली. ही विभोर यांच्या प्रशासकीय क्षेत्रातील प्रवासाची सुरुवात होती. २०२४ मध्ये त्यांनी तिसऱ्यांदा परीक्षेचा प्रयत्न केला आणि प्रभावी एआयआर १९ रँक मिळवली. दिल्ली विद्यापीठातील प्रसिद्ध हंसराज कॉलेजमधून भौतिकशास्त्रात एमएससी पूर्ण केल्यानंतर विभोर यांनी यूपीएससी सिव्हिल सर्व्हिस परीक्षेची मागणी करण्यावर लक्ष केंद्रित केले. ऑनलाइन कोचिंग आणि स्व-अभ्यासाचा वापर करून, त्यांनी अवघ्या सात महिन्यांत अभ्यासक्रम पूर्ण केला.

हेही वाचा

Success Story: कॉल सेंटरमध्ये पहिली नोकरी, एका कल्पनेने बदललं आयुष्य अन्… निखिल कामथने अशी उभारली करोडोंची कंपनी

मुलाखत यशस्वी होण्यासाठी विभोरला एआयने कशी केली मदत (How AI helped Vibhor crack the interview)

विभोरने मागील वर्षांच्या यूपीएससी प्रश्नपत्रिका खूप काळजीपूर्वक वाचल्या. त्याने त्या आपल्या मार्गदर्शक म्हणून घेतल्या. जानेवारीपासूनच त्याने दैनिक बातम्यांचा सारांश, चालू घडामोडी, मासिक यावर लक्ष केंद्रित करण्यास सुरुवात केली. त्याने मॉक टेस्टची तयारीदेखील केली. प्रथम त्याने सेक्शनल टेस्ट दिल्या, नंतर फूल लेन्थ टेस्ट दिल्या.

विभोरच्या तयारीचा एक महत्त्वाचा भाग म्हणजे जेमिनी या एआय टूल्सचा वापर मॉक इंटरव्ह्यूसाठी करणे. या टूलने विभोरसाठी शिक्षक म्हणून काम केले; ज्यामुळे त्याला त्याची ताकद आणि कमकुवतपणा ओळखण्यास मदत झाली. अशाप्रकारे तो एका सामान्य गावातील मुलापासून आयएएस अधिकारी बनला आहे.

TOPICSSuccess Story Success Story आयएएस IAS करिअर Career

मराठीतील सर्व करिअर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Success story of vibhor bhardwaj who cracked upsc exam thrice to become ias officer asp