News Flash

बिहारमध्ये गंगास्नानावेळी चेंगराचेंगरी, तिघांचा मृत्यू

जखमींवर रूग्णालयात उपचार सुरू आहेत.

बिहारमधील बेगूसराय येथे कार्तिक पौर्णिमा पर्वादरम्यान झालेल्या चेंगराचेंगरी चौघांचा मृत्यू झाला. (छायाचित्र: एएनआय)

बिहारमधील बेगूसराय येथे कार्तिक पौर्णिमेनिमित्त गंगा स्नानासाठी गेलेल्या भाविकांवर काळाने घाला घातला. सिमारिया येथील गंगा घाटावरून स्नान करून परतणाऱ्या भाविकांमध्ये अचानक झालेल्या चेंगराचेंगरीत तीन भाविकांचा मृत्यू झाला. ही दुर्घटना आज (शनिवार) सकाळी  घडली. या चेंगराचेंगरीत किमान १० जण जखमी झाल्याचे सांगण्यात येते. सर्वांना उपचारासाठी रूग्णालयात दाखल करण्यात आले आहे. घटनास्थळी मदतकार्य सुरू करण्यात आले आहे. मृतांचा आकडा वाढण्याची भीती व्यक्त केली जात आहे. सिमारिया घाटावर अर्ध कुंभ सुरू आहे. कार्तिक पौर्णिमेसाठी तिथे भाविकांची मोठी गर्दी झाली असून त्याचवेळी ही दुर्घटना घडली. दरम्यान, मुख्यमंत्री नितीश कुमार यांनी मृतांच्या वारसदारांसाठी ४ लाखांची मदत जाहीर केली आहे.

हिंदू धर्मात कार्तिक पौर्णिमेला मोठे महत्व आहे. शास्त्रानुसार या दिवशी गंगा स्नान करणे खूप चांगले असते. त्यानिमित्त बिहारमध्ये गंगा नदीच्या घाटावर लाखो भाविक एकत्र येतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 4, 2017 10:56 am

Web Title: 3 dead and 10 injured after stampede at simaria ghat in bihars begusarai
Next Stories
1 डिजिटल व्यवहारांमध्ये ८० टक्क्यांची वाढ अपेक्षित, १८०० कोटीपर्यंत पोहोचणार
2 गुजरात राज्य-का-रण : युवा मतदारांना भुरळ पाडण्यास नवे चेहरे अपयशी
3 अभियांत्रिकीचे दूरस्थ शिक्षण अभ्यासक्रम अयोग्य
Just Now!
X