02 March 2021

News Flash

मध्य प्रदेशात बस कालव्यात कोसळून ४७ प्रवाशांचा मृत्यू

काही जण बेपत्ता असून त्यांचा शोध चालू आहे.

(संग्रहित छायाचित्र)

मध्य प्रदेशातील सिद्धी जिल्ह्य़ात एक बस मंगळवारी सकाळी पुलावरून कालव्यात कोसळून झालेल्या अपघातात ४७ जण मृत्युमुखी पडले असून त्यात २१ महिलांचा समावेश आहे, असे वरिष्ठ अधिकाऱ्यांनी सांगितले. रात्री उशिरा शोधकार्य तात्पुरते थांबविण्यात आले.

एकूण ४७ मृतदेह बाहेर काढण्यात यश आले असल्याचे विभागीय आयुक्त राजेश जैन यांनी म्हटले आहे. त्यात २१ महिला व दोन बालकांचा समावेश आहे. बनसागर कालव्यातून हे मृतदेह बाहेर काढण्यात आले आहेत. या अपघाताची दंडाधिकारीय चौकशी करण्याचे आदेश देण्यात आले आहेत. सकृतदर्शनी ५४ प्रवासी बसमधून प्रवास करीत होते. सकाळी साडेआठ वाजता हा अपघात झाला. सात प्रवासी पोहत किनाऱ्याला लागले तर ४७ मृतदेह सापडले आहेत. ४४ जणांची ओळख पटली आहे, असे अधिकाऱ्यांनी सांगितले. रिवाचे पोलीस महानिरीक्षक जोगा यांनी अपघाताच्या ठिकाणाहून १८ मृतदेह बाहेर काढल्याचे सांगितले होते. सिद्धी जिल्ह्य़ात पाटणा खेडय़ापासून ८०   कि .मी. अंतरावर बस  कालव्यात कोसळली.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 17, 2021 12:14 am

Web Title: 45 killed as bus crashes into canal in madhya pradesh abn 97
Next Stories
1 नव्या विषाणूवर परिणामाअभावी कोव्हिशिल्ड लशीची परतपाठवणी
2 तपोवन बोगद्यातून आणखी दोन मृतदेहांचा शोध
3 ‘ओटीटी’ मंचांवर कारवाईचा विचार
Just Now!
X