News Flash

पत्रकार रोहित सरदाना यांचं करोनामुळे निधन

रोहित सरदाना गेल्या ३ वर्षांपासून आज तकसोबत न्यूज अँकर म्हणून काम पाहात होते.

फोटो सौजन्य - रोहित सरदाना फेसबुक हँडल

वरीष्ठ टीव्ही पत्रकार आणि आज तक वाहिनीचे न्यूज अँकर रोहित सरदाना यांचं करोनामुळे आज सकाळी निधन झालं. त्यांचे एकेकाळचे सहकारी आणि झी न्यूजचे मुख्य संपादक सुधीर चौधरी यांनी ट्वीट करून ही माहिती दिली आहे. गेल्या अनेक वर्षांपासून रोहित सरदाना हे झी न्यूजसोबत होते. २०१७मध्ये त्यांनी झी न्यूज सोडून आजतकमध्ये आपल्या प्रसारमाध्यमातील प्रवासाला सुरुवात केली. २०१८मध्ये त्यांना पत्रकारितेतील मानाच्या गणेश विद्यार्थी पुरस्काराने सन्मानित करण्यात आले होते. २४ एप्रिल रोजी रोहित सरदाना यांनी स्वत:च आपल्याला करोनाची लागण झाल्याचं ट्वीट केलं होतं.

 

देशाचे गृहमंत्री राजनाथ सिंह यांनी देकील रोहित सरदाना यांच्या निधनावर शोक व्यक्त केला आहे.

 

“हिंदी मीडिया जगतात फार कमी कालावधीमध्ये आपली ओळख निर्माण करणारे पत्रकार रोहित सरदाना यांच्या निधनामुळे मी स्तब्ध झालो आहे. तो प्रचंड प्रतिभाशाली आणि प्रभावी पत्रकार होते. त्यांच्या निधनामुळे माध्यम विश्वाचं मोठं नुकसान झालं आहे. माझ्या संवेदना त्यांच्या परिवारासोबत आहेत”, असं राजनाथ सिंह यांनी ट्वीटमध्ये म्हटलं आहे.

 

त्यांच्या निधनानंतर माध्यम विश्वातील अनेकांनी शोक व्यक्त केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2021 1:59 pm

Web Title: aaj tak tv news anchor rohit sardana passes away due to corona pmw 88
Next Stories
1 माणुसकी जिवंत आहे! करोना रुग्णांसाठी त्यानं रिक्षाचीच केली मोफत ऑक्सिजन रुग्णवाहिका!
2 Corona Crisis : ऑक्सिजन पुरवठ्याच्या मुद्यावरून सर्वोच्च न्यायालयाने सरकारला सुनावलं!
3 काहीतरी करा… देशातील नामांकित संस्थांमधील १०० संशोधकांचे मोदींना पत्र
Just Now!
X