05 April 2020

News Flash

लष्करप्रमुख नियुक्तीचा मुद्दा विचाराधीन

सध्या लोकसभा निवडणुका सुरू असल्याने नव्या लष्करप्रमुखाच्या नियुक्तीबाबत कोणताही निर्णय होत नाही. लष्करप्रमुख नियुक्तीचा मुद्दा निवडणूक आयोगाच्या विचाराधीन असून, लवकरच यावर निर्णय घेण्यात येईल,

| May 7, 2014 12:01 pm

सध्या लोकसभा निवडणुका सुरू असल्याने नव्या लष्करप्रमुखाच्या नियुक्तीबाबत कोणताही निर्णय होत नाही. लष्करप्रमुख नियुक्तीचा मुद्दा निवडणूक आयोगाच्या विचाराधीन असून, लवकरच यावर निर्णय घेण्यात येईल, असे निवडणूक आयोगाकडून सांगण्यात आले आहे.
नव्या लष्करप्रमुख निवडीबाबत निवडणूक आयोगाने निर्णय घेतला आहे, असे वृत्त प्रसिद्ध झाले होते. मात्र हे वृत्त निराधार व खोडसाळपणाचे आहे, असे निवडणूक आयोगाचे उपायुक्त विनोद झुत्शी यांनी सांगितले. या मुद्दय़ाबाबत चर्चा करून योग्य निर्णय घेण्यात येणार आहे, असे झुत्शी यांनी सांगितले.
सुरक्षा दलांमधील नियुक्ती, बढती, निविदा यांबाबतचे निर्णय घेताना निवडणूक आचारसंहिता लागू करण्यात येऊ नये, असा निर्णय निवडणूक आयोगाच्या समितीने २७ मार्च रोजी घेतला होता. या निर्णयावर पुन्हा एकदा समितीच्या सदस्यांची चर्चा होणार असून, त्यानंतर अंतिम निर्णय घेण्यात येणार आहे.
नव्या लष्करप्रमुखांची नियुक्ती करण्याची केंद्र सरकारला घाई झालेली आहे, असा आरोप भाजपकडून करण्यात आला होता. सध्या निवडणुका सुरू असल्याने याबाबतचा निर्णय निवडणूक आयोगाला घेऊ द्यावा, अशी मागणी भाजपकडून करण्यात आली होती. गेल्या आठवडय़ात संरक्षण मंत्रालयाने निवडणूक आयोगाकडे हा मुद्दा पाठविला आणि त्याबाबत निर्णय घेण्यास सांगितले. निवडणूक आयोगाच्या समितीने २७ मार्च रोजीच हा मुद्दा आचारसंहितेच्या कक्षात येत नसल्याचा निर्वाळा दिला असतानाही संरक्षण मंत्रालयाने हा मुद्दा पुन्हा निवडणूक आयोगाकडे का पाठविला, अशी टीका होत असतानाच सर्व संबंधित अधिकाऱ्यांची परवानगी घेणे गरजेचे असल्याने हा मुद्दा निवडणूक आयोगाकडे पाठविला, असे स्पष्टीकरण संरक्षण मंत्रालयाने दिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 7, 2014 12:01 pm

Web Title: army chief appointment issue under consideration
टॅग Army Chief
Next Stories
1 ऑनर किलिंगच्या घटनेत मुलीचा खून, मुलाची आत्महत्या
2 व्यक्तीची जात नाही, कर्म नीच असतात – राहुलबाबाचे मोदींना उत्तर
3 मोदींनी त्यांच्या मातोश्रींची काळजी मला घेऊ द्यावी- काँग्रेस नेत्याचे मोदींना पत्र!
Just Now!
X