राष्ट्रीय तपास पथकाने (एनआयए) मंगळवारी सकाळी चेन्नईतून एका दहशतवाद्यास अटक केली. हा दहशतवादी बांग्लादेशमधील दहशतवादी संघटनेशी निगडीत असल्याची माहिती आहे. या कारवाईदरम्यान पोलिसांनी दहशतवाद्याचा ठिकाणा असलेल्या संपूर्ण परिसरास वेढा दिला होता. जमात-उल-मुजाहिद्दीन बांग्लादेश (जेएमबी) या संघटनेचा हा दहशतवादी असून असदुल्लाह शेख असे त्याचे नाव आहे. या दहशतवादी संघटनेचे १०४ संशयित दहशतवादी एनआयएच्या रडारावर असल्याची माहिती आहे. Tamil Nadu: Asadullah Sheikh, a suspected Jamaat-ul-Mujahideen Bangladesh (JMB) terrorist was arrested from Chennai today, by National Investigation Agency (NIA) and Chennai Police. pic.twitter.com/hp1I3xqb23 — ANI (@ANI) September 10, 2019 या अगोदर २ सप्टेंबर रोजी कोलकाता पोलिसांच्या विशेष कृती दलाने दहशतवादी संघटना जमात-उल-मुजाहिद्दीन बांग्लादेश (जेएमबी) च्या एका संशयितास अटक केली होती. प्राप्त माहितीच्या आधारे पोलिसांनी गजनबी पूलाजवळ २२ वर्षीय मोहम्मद अब्दुल कासिम उर्फ कासिमला अटक केली होती. तो बर्दवान जिल्ह्यातील मंगलकोटे पोलीस ठाणे हद्दीताल दुरमुट गावचा रहिवासी होता. त्याच्याकडून मिळालेल्या माहितीच्या आधारेच असदुल्लाह शेखला अटक करण्यात आली असल्याचे समोर आले आहे.