05 April 2020

News Flash

Video : भाजपाच्या रॅलीत आंदोलकांनी ओढले महिला उपजिल्हाधिकारीचे केस

CAAच्या समर्थनार्थ काढलेल्या रॅलीला वेगळेच रूप

मध्य प्रदेशात राजगढ येथे भाजपाच्या कार्यकर्त्यांनी CAAच्या समर्थनार्थ काढलेल्या रॅलीला वेगळेच रूप मिळाले. आंदोलकांना थांबवण्यासाठी तेथे उपस्थित असेलेल्या महिला उपजिल्हाधिकाऱ्याचे आंदोलकाने केस ओढल्याची घटना घडली आहे.

राजगढ जिल्ह्यात जमावबंदीचे आदेश लागू होते. तरीही भाजपाच्या कार्यकर्त्यांनी CAAच्या समर्थनार्थ रॅली काढली. त्यामुळे प्रशासन आणि आंदोलकांमध्ये वादावादी झाली. तिरंगा झेंडा हाती घेऊन आंदोलन करणाऱ्या आंदोलकांना महिला उपजिल्हाधिकारी प्रिया वर्मा बाजूला करत होत्या. काही आंदोलकांच्या कानसुलातही त्यांनी लगावली. या बाचाबाचीदरम्यात काही आंदोलकांनी प्रिया वर्मा यांचे केस ओढले. त्यामुळे त्या आणखीच खवळल्याचे दिसले.

CAAच्या समर्थनार्थ मध्यप्रदेशात भाजपा रॅलीचे आयोजन करत आहे. त्याचाच भाग म्हणून राजगढमध्येही रॅली काढण्यात आली होती. मात्र जिल्ह्यात कलम १४४ लागू होते. त्यामुळे हे कारण देत या रॅलीला परवानगी नाकारण्यात आली होती. तरीही भाजपा नेत्यांनी रॅली काढणारच, अशी भूमिका घेतली होती. रविवारी हजारोंच्या संख्येने भाजपा कार्यकर्ते रस्त्यावर उतरले होते. काहींच्या हाती तिरंगा झेंडाही होता. त्याचवेळी आंदोलक आणि उपजिल्हाधिकारी वर्मा यांच्यात वादावादी झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 19, 2020 5:58 pm

Web Title: bjp workers protestor pulls hair of rajgarh deputy collector priya verma madhya pradesh pkd 81
Next Stories
1 भारतात CAA ची गरजच नव्हती, बांगलादेशच्या पंतप्रधान शेख हसीना यांची वादात उडी
2 किती पाकिस्तानींना भारतानं दिलं नागरिकत्व? सीतारामन यांनी दिलं उत्तर
3 संघाचा सत्ताकेंद्रावर नव्हे राज्यघटनेवर विश्वास – मोहन भागवत
Just Now!
X