Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

इम्रान खान हिम्मत दाखवा आणि हाफिज सईद व मसूद अझहर यांना भारताच्या स्वाधीन करा. त्यामुळे तुम्ही नोबेल पुरस्काराचे दावेदारही ठराल.

काँग्रेसचे ज्येष्ठ नेते दिग्विजय सिंह

आपल्या वक्तव्यामुळे नेहमी चर्चेत राहणारे काँग्रेसचे ज्येष्ठ नेते दिग्विजय सिंह यांनी काश्मीर मुद्यावरून आपल्याच पक्षाचे मंत्री नवज्योतसिंग सिद्धू यांच्यावर निशाणा साधला आहे. सिद्धू यांना आपले मित्र इम्रान खान यांच्यामुळे टीका सहन करावी लागत आहे. त्यांनी आपल्या मित्राला समजावले पाहिजे, असा खोचक सल्ला त्यांनी दिला आहे. त्याचबरोबर काश्मीर समस्येवर तोडगा काढण्यासाठी सर्व राजकीय पक्षांनी एकजुट होऊन एक आराखडा तयार करण्याची सूचनाही त्यांनी केली आहे.

Come on Hon Prime Minister of Pakistan show Guts and hand over Hafiz Sayeed and Masood Azhar the Self Confessed perpetrators of Terror, to India. You would not only bail out Pakistan out of Financial Crisis and also be the Front Runner for Nobel Peace Prize.
— Digvijaya Singh (@digvijaya_28) February 19, 2019

एकापाठोपाठ एक ट्विट करत त्यांनी सिद्धू यांना सल्ला देताना इम्रान खान यांना आव्हानही दिले. ते म्हणाले, पाकिस्तानचे श्रीमान पंतप्रधान कमऑन! हिम्मत दाखवा आणि हाफिज सईद व मसूद अझहर या दहशतवाद्यांच्या म्होरक्यांना भारताच्या स्वाधीन करा. असे केल्यास तुम्ही फक्त पाकिस्तानला आर्थिक संकटातून बाहेर काढण्यास सक्षम होणार नाही. उलट तुम्ही शांततेच्या नोबेल पुरस्काराचे प्रबळ दावेदारही ठराल.

I know Modi Bhakts are going to Troll me for this but I don't CARE. Imran Khan a Cricketer who I admire, can't take on these Muslim Fundamentalists and ISI sponsored Terrorist Groups I can't believe.
— Digvijaya Singh (@digvijaya_28) February 19, 2019

त्यानंतरच्या आपल्या दोन ट्विटमध्ये त्यांनी नवज्योतसिंग सिद्धूंना टोला लगावला आहे. एका ट्विटमध्ये त्यांनी म्हटले की, नवज्योतसिंग सिद्धू यांनी आपले मित्र इम्रान यांना समजावून सांगितले पाहिजे. त्यांच्यामुळे सिद्धूंना टीका सहन करावी लागत आहे.

Can't we as an Indian stop unnecessary Persecution of Innocent Kashmiris Students and Traders in rest of the Country? Do we want Kashmir with the Kashmiris or without Kashmiris? We as a Nation have to make a choice.
— Digvijaya Singh (@digvijaya_28) February 19, 2019

पुलवामा हल्ल्यानंतर पाकिस्तानबाबत केलेल्या वक्तव्यामुळे सिद्धूंना टीकेचा सामना करावा लागला आहे. एका वाहिनीच्या परीक्षकपदावरूनही त्यांना हटवण्यात आले आहे.

We can! Would Leadership of Congress BJP NC PDP and other Political Parties relevant in J&K draw out a Road Map for next 10 years to achieve this?
— Digvijaya Singh (@digvijaya_28) February 19, 2019

आपल्या पुढच्या ट्विटमध्ये त्यांनी मोदी समर्थकांनाही लक्ष्य केले. ते म्हणाले, मला माहीत आहे की, मोदी भक्त मला ट्रोल करणार. पण मला याची पर्वा नाही. क्रिकेटपटू म्हणून इम्रान मला पसंत आहेत. पण सध्या ते मुस्लिम कट्टरपंथीय आणि आयएसआय समर्थित गटाला पाठिंबा देत आहेत. माझा यावर अजूनही विश्वास बसत नाही.

First published on: 19-02-2019 at 16:10 IST

Web Title: Digvijay singh lashes out on congress leader navjot singh sidhu on pakistan issue imran khan

सिद्धूजी आपले मित्र इम्रान खान यांना जरा समजवा, दिग्विजय सिंह यांचा सल्ला