पुढच्या शनिवारपासून ‘हा’ पदार्थ हँड बॅगमधून अमेरिकेला नाही नेता येणार - Marathi News | Do Not Carry Powdery Substance Over 350 Grams In Us Bound Flight

पुढच्या शनिवारपासून अमेरिकेला जाणाऱ्या प्रवाशांना हँड बॅगमधून ३५० ग्रॅमपेक्षा जास्त पावडर सोबत नेता येणार नाही. ऑस्ट्रेलियात पावडरमधून स्फोट घडवण्याचा प्रयत्न उधळून लावण्यात आला होता.

प्रातिनिधीक छायाचित्र

पुढच्या शनिवारपासून अमेरिकेला जाणाऱ्या प्रवाशांना हँड बॅगमधून ३५० ग्रॅमपेक्षा जास्त पावडर सोबत नेता येणार नाही. मागच्या वर्षी ऑस्ट्रेलियात पावडरमधून स्फोट घडवण्याचा प्रयत्न उधळून लावण्यात आला होता. त्यामुळे अमेरिकेच्या वाहतूक सुरक्षा प्रशासनाने पुढच्या आठवडयापासून विमानातून ३५० ग्रॅमपेक्षा जास्त पावडरचा कुठलाही पदार्थ नेण्यावर बंदी घातली आहे.

सुरक्षा रक्षकांना कळलं नाही तर ते पावडरचा तो पदार्थ फेकून देणार त्यामुळे तपासणीसाठी जाणाऱ्या चेक इनच्या बॅगांमध्ये अशा वस्तू ठेवाव्यात असा सल्ला हवाई कंपन्या अमेरिकेला जाणाऱ्या प्रवाशांना देत आहेत. मुंबई आणि दिल्लीमधून एअर इंडियाची अनेक विमाने दररोज अमेरिकेच्या न्यूयॉर्क, शिकागो, वॉशिंग्टन, सॅन फ्रान्सिस्को या शहरांमध्ये जातात.

अमेरिकेतूनही नेवार्क ते दिल्ली आणि मुंबई अशी थेट विमाने आहेत. डेल्टा पुढच्यावर्षीपासून मुंबईसाठी विमान सेवा सुरु करणार आहे. पुढच्या आठडयापासून अमेरिकेला जाणाऱ्या प्रवाशांकडे ३५० ग्रॅमपेक्षा जास्त मसाले, टॅलकम किंवा कॉसमॅटिक पावडर असेल तर त्यांना तपासणी करावी लागणार आहे.

First published on: 23-06-2018 at 19:08 IST

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Do not carry powdery substance over 350 grams in us bound flight