News Flash

शेतकऱ्यांना उत्पन्न दुप्पट सांगायला पढवलं, पंतप्रधान लक्ष्य

सरकारी अधिकाऱ्यांनी पंतप्रधान नरेंद्र मोदींशी बोलताना उत्पन्न दुप्पट झाल्याचे सांगण्यास पढवले होते

all india radio earns rs 10 crore in two years through pm modis mann ki baat
पंतप्रधान नरेंद्र मोदी (संग्रहित छायाचित्र)

शेतकऱ्यांचे उत्पन्न दुप्पट करण्याचे महत्त्वाकांक्षी आश्वासन भारतीय जनता पार्टीनं दिलं आणि शेतकऱ्यांचे उत्पन्न वाढत असल्याचा प्रचार करण्यात येत आहे. पंतप्रधान नरेंद्र मोदींनी व्हिडीयो कॉन्फरन्सच्या माध्यमातून देशभरातल्या शेतकऱ्यांशी संवाद साधल्याचे व शेतकऱ्यांनी त्यांच्या उत्पन्नात वाढ झाल्याचे सांगितल्याचेही समोर आले आहे.

मात्र, एका प्रकरणाचा एबीपी न्यूजने पाठपुरावा केला आणि स्थानिक अधिकाऱ्यांनी सहभागींना पढवल्याचे समोर आले आहे. छत्तीसगडमधल्या कन्हारपुरीमधली चंद्रमणी नावाची शेतकरी महिला पंतप्रधानांशी संवाद साधताना दिसत आहे. पंतप्रधान नरेंद्र मोदी तिला विचारतात की तुझं उत्पन्न किती वाढलं. यावर माझं उत्पन्न दुप्पट झाल्याचं उत्तर ती देताना दिसते.

एबीपी न्यूजनं रीलिज केलेल्या व्हिडीयोनुसार जेव्हा पत्रकार चंद्रमणीला भेटतो व तिचं उत्पन्न दुप्पट झालं का असं विचारतो. तेव्हा ती नाही शेतीतलं आपलं उत्पन्न दुप्पट झालं नसल्याचं सांगताना दिसत आहे. जेव्हा तिला विचारण्यात येतं की तिनं तर पंतप्रधानांना उत्पन्न दुप्पट झाल्याचं सांगितलंय. त्यावेळी ती म्हणते की असं बोलण्यास मला सरकारी अधिकाऱ्यांनी सांगितलं होतं.

यामुळे पंतप्रधानांवर टीका करण्याची संधी विरोधकांना मिळाली असून राहूल गांधी व अरविंद केजरीवाल यांनी ट्विट करत त्यांची खिल्ली उडवली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 10, 2018 6:30 pm

Web Title: farmer were told to say that their income is doubled to pm modi
Next Stories
1 Thailand Cave Rescue : तब्बल १६ दिवसांनी गुहेतून बाहेर आल्यानंतर मुलांनी पहिल्यांदा मागितली ‘ही’ गोष्ट
2 Video: सोशल मीडियावर डान्स करतानाचा व्हिडिओ पोस्ट केल्याने तरुणीला घेतलं ताब्यात
3 अबब! ६०० किलो वजनाच्या मगरीला पकडण्यासाठी लागले तब्बल ८ वर्षे
Just Now!
X