28 September 2020

News Flash

Jind Bypoll: भाजपा आघाडीवर, काँग्रेस म्हणते, हा तर ईव्हीएम घोटाळा

निवडणुकीत काँग्रेसतर्फे रणदीपसिंह सुरजेवाला रिंगणात आहेत. तर भाजपातर्फे कृष्ण मिद्धा रिंगणात आहेत.

हरयाणातील जिंद विधानसभा मतदारसंघातील पोटनिवडणुकीत भाजपाने आघाडी घेतली असतानाच काँग्रेस आणि जननायक जनता पक्षांनी मतमोजणीवर आक्षेप घेतला आहे. ईव्हीएममध्ये फेरफार करण्यात येत असून हा तर ईव्हीएम घोटाळा असल्याचा आरोप या दोन्ही पक्षांनी केला आहे. या दोन्ही पक्षांनी आक्षेप घेतल्यानंतर मतमोजणी थांबवण्यात आली आहे.

जिंद विधानसभा मतदारसंघात पोटनिवडणुक पार पडली असून या निवडणुकीत ७० टक्के मतदान झाले होते. या निवडणुकीत काँग्रेसतर्फे रणदीपसिंह सुरजेवाला रिंगणात आहेत. तर भाजपातर्फे कृष्ण मिद्धा रिंगणात आहेत. याशिवाय जननायक पार्टी आणि राष्ट्रीय लोकदल या पक्षाचेही उमेदवार रिंगणात आहे. आठव्या फेरी अखेर भाजपा उमेदवार ९, ३१० मतांनी आघाडीवर आहे. अजून मतमोजणीच्या पाच फेऱ्या बाकी आहेत. काँग्रेस उमेदवार तिसऱ्या स्थानावर आहे.

मतमोजणीदरम्यान काँग्रेस आणि जननायक जनता पक्षाच्या पोलिंग एजंटने ईव्हीएमवर आक्षेप घेतला. ईव्हीएममधील आकडेवारी जुळत नसल्याचे या दोन्ही पक्षांचे म्हणणे आहे. यामुळे मतदान केंद्राबाहेर काही काळ तणावाचे निर्माण झाले होते. पोलिसांनी जमावावर नियंत्रण मिळवण्यासाठी सौम्य लाठीमार केल्याचे वृत्त आहे.  तीन मशीनमध्ये फेरफार झाल्याचा संशय असून भ्रष्ट आणि नाकर्त्या सरकारला सत्तेतून हटवणारच, असे काँग्रेसच्या स्थानिक नेत्यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 31, 2019 2:02 pm

Web Title: haryana jind assembly bypoll bjp evm tampering alleges congress jjn
Next Stories
1 परीक्षा पाहू नका, हिंदूंचा संयम कधीही सुटू शकतो- केंद्रीय मंत्री
2 बेलवर असणारे जेलमध्ये नक्की जाणार, नरेंद्र मोदींचा गांधी कुटुंबीयांवर निशाणा
3 जम्मू-काश्मीर: शहीद औरंगजेबचे वडील मोदींच्या उपस्थितीत भाजपात सामील होण्याची शक्यता
Just Now!
X