भाजपाचे गुजरातमधील खासदार आणि अभिनेते परेश रावल यांनी लोकसभा निवडणूक न लढवण्याचा निर्णय घेतला आहे. अभिनेते परेश रावल यांनी या संदर्भात ट्विट करून ही माहिती दिली आहे. २०१४ च्या लोकसभा निवडणुकीत त्यांनी गुजरात येथील अहमदाबाद येथून निवडणूक लढवली होती. भाजपाने आत्तापर्यंत चार याद्या जाहीर केल्या असून आत्तापर्यंत २४९ जणांना उमेदवारी देण्यात आली आहे. I request media and friends not to speculate about my nomination. I had informed the party months in advance of my decision to not contest LS elections . I, however, remain a loyal member of BJP and a staunch supporter of @narendramodi. — Chowkidar Paresh Rawal (@SirPareshRawal) March 23, 2019 twitterवरुन लोकसभा निवडणुकीसंदर्भात घोषणा करताना रावल म्हणाले, मी प्रसारमाध्यातील माझ्या मित्रांना विनंती करतो की माझ्या उमेदवारीसंदर्भात कोणत्याही प्रकारचे अंदाज व्यक्त करु नका. मी पक्षाला याआधीच सांगितले आहे की यंदा निवडणूक लढवणार नाही. पण पक्षाचा एक सदस्य आणि पंतप्रधान मोदींचा समर्थक असेन असे त्यांनी म्हटले आहे. लोकसभा निवडणुकांच्या तारखा जाहीर झाल्या आहेत. देशभरात सात टप्प्यात ११ एप्रिल ते १९ मे या दरम्यान निवडणुका होणार आहेत. तर महाराष्ट्रात चार टप्प्यात लोकसभा निवडणुका होणार आहेत. ही निवडणूक आपण लढवणार नाही असं परेश रावल यांनी स्पष्ट केलं आहे.