News Flash

‘वाटाघाटींमध्ये मोदी खूप कठोर आहेत’, ट्रम्प यांनी मांडलेले १० महत्वाचे मुद्दे

भारतीय जनतेचे आम्ही प्रामाणिक आणि निष्ठावान मित्र आहोत.

अमेरिकेचे राष्ट्राध्यक्ष डोनाल्ड ट्रम्प यांनी सरदार पटेल स्टेडिअमवरील ‘नमस्ते ट्रम्प’ कार्यक्रमात बोलताना भारताचे भरभरुन कौतुक केले. पंतप्रधान मोदींवरही स्तुतीसुमने उधळली.

ट्रम्प यांच्या भाषणातील दहा प्रमुख मुद्दे

– अमेरिकेचे भारतावर प्रेम आहे. अमेरिका भारताचा आदर करते. भारतीय जनतेचे आम्ही प्रामाणिक आणि निष्ठावान मित्र आहोत. मी आणि फर्स्ट लेडी हाच संदेश देण्यासाठी इथे आलो आहोत.

– भारतात आज झालेले आमचे आदिरातिथ्य आम्ही कायम लक्षात ठेऊ, आमच्या ह्दयात भारताचे विशेष स्थान आहे.

– पंतप्रधान मोदी यांनी चहा विकून सुरुवात केली. प्रत्येकाचे त्यांच्यावर प्रेम आहे. पण मी तुम्हाला सांगतो, ते खूप कठोर आहेत.

– पंतप्रधान मोदी तुम्ही फक्त गुजरातचे अभिमान नाही तर, मेहनत, समर्पण यांचे जिवंत उदहारण आहात. भारताला जे काही हवे, ते भारतीय साध्य करु शकतात.

– पंतप्रधान मोदींसोबत वाटाघाटी करणे सोपे नसल्याचे ट्रम्प यांनी मान्य केले.

– पृथ्वीवर सर्वत्र बॉलिवूड चित्रपट पाहण्याचा आनंद घेतला जातो. डीडीएलजे आणि शोले या चित्रपटांचा त्यांनी उल्लेख केला. सचिन तेंडुलकर, विराट कोहली यांचाही त्यांनी आवर्जून उल्लेख केला.

– भारताबरोबरचे संरक्षण संबंध आम्ही बळकट करणार आहोत. शत्रूच्या मनात धडकी भरवणारी पृथ्वीवरील उत्तम शस्त्रास्त्रे आम्ही भारताला देऊ. आम्ही उत्तम शस्त्रांची निर्मिती करतोय आणि भारताबरोबर आमचा व्यापार सुरु आहे.

– इस्लामिक दहशतवादापासून नागरिकांचे रक्षण करण्यासाठी दोन्ही देश कटिबद्ध आहेत. आम्ही आज इसिसला १०० टक्के संपवले आहे. अल बगदादी ठार झाला आहे.

– दहशतवादी आणि त्यांच्या विचारधारेविरोधात लढण्यासाठी आम्ही कटिबद्ध आहोत. पाकिस्तानसोबत आमचे संबंध चांगले आहेत. दहशतवाद संपवण्यासाठी माझे सरकार पाकिस्तानसोबत मिळून काम करत आहे.

– आमच्या सीमा सुरक्षित करण्यासाठी आम्ही एकत्र काम करत आहोत. घुसखोरांपासून सीमा सुरक्षित करण्याचा प्रत्येक देशाला अधिकार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 24, 2020 3:07 pm

Web Title: importan points in donald trump speech at motera stadium dmp 82
Next Stories
1 दहशतवाद थांबवा!; भारतात येऊन ट्रम्प यांनी पाकिस्तानला दिला दम
2 गँगस्टर रवी पुजारीला भारतात आणलं, कर्नाटक पोलिसांचं यश
3 शाहीन बाग प्रकरणी आजही निर्णय नाही; २६ फेब्रुवारीला होणार पुढील सुनावणी
Just Now!
X