जम्मू- काश्मीरमधील हुर्रियत नेता हफिजुल्लाह मीर याची मंगळवारी सकाळी हत्या करण्यात आली. बंदुकधारी हल्लेखोरांनी मीर याच्यावर गोळीबार करुन त्याची हत्या केली आहे. तेहरिक- ए- हुर्रियतचा अनंतनागमधील जिल्हा प्रमुख हफिजुल्लाह मीर याची मंगळवारी सकाळी राहत्या घरी हत्या करण्यात आली. बंदुकधारी हल्लेखोरांनी मीर याच्यावर गोळीबार केला. मीर हा गेल्या महिन्यातच तुरुंगातून बाहेर आला होता. दक्षिण काश्मीरमधील अनंतनागमधील अचबल येथे मीर याच्या राहत्या घरातच अज्ञात हल्लेखोरांनी गोळीबार केला. मीर हा दोन वर्ष तुरुंगात होता.
