22 September 2020

News Flash

जम्मू- काश्मीरमध्ये सीआरपीएफच्या गस्ती पथकावर ग्रेनेड हल्ला, तीन जखमी

सोपोरमधील मुख्य चौकात स्टेट बँक ऑफ इंडिया शाखेजवळ गुरुवारी सकाळी सीआरपीएफच्या पथकावर दहशतवाद्यांनी ग्रेनेड हल्ला केला.

प्रतिकात्मक छायाचित्र

जम्मू- काश्मीरमधील सोपोर येथे दहशतवाद्यांनी केंद्रीय राखीव पोलीस दलाच्या (सीआरपीएफ) पथकावर ग्रेनेड हल्ला केल्याची घटना गुरुवारी सकाळी घडली. या हल्ल्यात तीन जवान जखमी झाले आहेत. दुसरीकडे सोपोरमधील वारपोरा येथे दहशतवादी आणि सुरक्षा दलांमध्ये चकमक झाली.

सोपोरमधील मुख्य चौकात स्टेट बँक ऑफ इंडिया शाखेजवळ गुरुवारी सकाळी सीआरपीएफच्या पथकावर दहशतवाद्यांनी ग्रेनेड हल्ला केला. या हल्ल्यात तीन जवान जखमी झाले असून त्यांच्यावर रुग्णालयात उपचार सुरु आहेत. या घटनेनंतर परिसरातील बंदोबस्त वाढवण्यात आला आहे. दुसरीकडे सोपोरमधील वारपोरा येथे सुरक्षा दल आणि दहशतवाद्यांमध्ये चकमक झाली. चकमक सुरु असलेल्या परिसरातील इंटरनेट सेवा बंद करण्यात आली आहे. या भागात स्थानिकांनी सुरक्षा दलाच्या कारवाईत अडथळे आणल्याचे वृत्त आहे.

बांदीपोरा येथील हाजिन येथे देखील सुरक्षा दल आणि दहशतवाद्यांमध्ये चकमक सुरु आहे. वारपोरा आणि हाजिन येथे दहशतवादी लपून बसल्याची माहिती सुरक्षा दलांना मिळाली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 21, 2019 11:38 am

Web Title: jammu kashmir crpf grenade attack sopore encounter bandipora security forces terrorist
Next Stories
1 भारतात आणखी एखादा हल्ला झाल्यास गंभीर परिणाम भोगावे लागतील, अमेरिकेची पाकला तंबी
2 मशिदीवरील गोळीबाराच्या घटनेनंतर न्यूझीलंडमध्ये स्वयंचलित रायफल्सवर बंदी
3 ‘वेलकम पार्टी’ बेतली जिवावर, इस्लामविरोधी कृत्य ठरवत विद्यार्थ्याने केली प्राध्यापकाची हत्या
Just Now!
X