पंतप्रधान नरेंद्र मोदी हे कर्नाटक विधानसभा निवडणुकांसाठी प्रचार सभा घेणार आहेत. कर्नाटकच्या युवकांनी तिथे जावे आणि हवेत खुर्च्या उडवून आधी पंतप्रधान नरेंद्र मोदींना हा जाब विचारावा की २ कोटी नोकऱ्यांचे आश्वासन दिले होते त्याचे काय झाले? असे आवाहन जिग्नेश मेवाणीने केले आहे. हे आवाहन केल्याप्रकरणी कर्नाटकच्या चित्रदुर्ग जिल्ह्यात भाजपाने जिग्नेश मेवाणीविरोधात एफआयआर दाखल केली आहे. चित्रदुर्ग या ठिकाणी जिग्नेश मेवाणीची सभा आयोजित करण्यात आली होती. या सभेत जिग्नेश मेवाणीने पंतप्रधान नरेंद्र मोदींची सभा उधळण्याचे आवाहन केल्याप्रकरणी ही एफआयआर दाखल केल्याचे भाजपा नेत्यांनी सांगितले आहे. #WATCH: Jignesh Mevani says, 'Biggest role of Karnataka's youth should be to enter PM's campaign program in Bengaluru on 15th, hurl chairs in the air & disrupt it, then ask him what happened to 2 cr jobs? If he can't answer ask him to go to Himalayas' #Chitradurga #Karnataka pic.twitter.com/3rykIfOFsp — ANI (@ANI) April 6, 2018 जिग्नेश मेवाणीने युवकांना सभा उधळण्यासाठी युवकांना भडकावले आहे.त्याचमुळे आम्ही त्याच्याविरोधात तक्रार दाखल केली आहे. पंतप्रधान नरेंद्र मोदी यांच्या सभेत जाणीवपूर्वक अडथळा आणण्यासाठी जिग्नेश मेवाणीने चिथावले आहे असाही आरोप भाजपाने केला. कर्नाटक निवडणुकांची रणधुमाळी जवळ आली आहे. अशात आरोप प्रत्यारोपांच्या फैरी सुरुच आहे. त्यातच जिग्नेश मेवाणीने केलेल्या आवाहनामुळे भाजपाच्या तळपायाची आग मस्तकाला गेली आहे. BJP's Chitradurga district president lodges FIR against Jignesh Mevani for his speech in Chitradurga, wherein he urged youth to disrupt PM Modi's campaign program. #Karnataka — ANI (@ANI) April 6, 2018