01 December 2020

News Flash

गलवाण खोऱ्यात भारतीय जवानांच्या हालचाली टिपण्यासाठी चीनकडून ड्रोनचा वापर

तणाव कमी करण्याची प्रक्रिया सुरु असताना ही चकमक झाली.

पूर्व लडाखच्या गलवाण खोऱ्यात तैनात असलेल्या भारतीय जवानांच्या हालचाली टिपण्यासाठी  चिनी लष्कराने ड्रोन्सचा वापर केला. १५ जूनच्या रात्री गलवाणमध्ये भारतीय आणि चिनी सैनिकांमध्ये मोठी चकमक झाली. भारताचे २० जवान या हल्ल्यात शहीद झाले तर चीनच्या बाजूला ४० पेक्षा जास्त सैनिक ठार झाल्याची माहिती आहे.

नियंत्रण रेषेवर निर्माण झालेला तणाव कमी करण्याची प्रक्रिया सुरु असताना ही चकमक झाली. या संघर्षामध्ये दोन्ही बाजुंनी एकही गोळी चालवण्यात आलेली नाही असे भारतीय लष्कराने स्पष्ट केले आहे. इंडिया टुडेने हे वृत्त दिले आहे.

सीमेवर भारताबरोबर आणखी संघर्ष नको – चीन

गलवान खोऱ्यात झालेल्या चकमकीनंतर चीनने आता नरमाईची भूमिका घेतली आहे. सीमेवर भारताबरोबर आम्हाला आणखी संघर्ष नकोय असे त्यांनी म्हटले आहे. सोमवारी रात्री झालेल्या संघर्षात भारताचे २० जवान शहीद झाले तर चीनच्या बाजूलाही मोठी जिवीतहानी झाली. त्यांचे ४० पेक्षा जास्त सैनिक मारले गेले. सीमेवर निर्माण झालेली परिस्थिती दोन्ही देश चर्चेच्या माध्यमातून सोडवण्याचा प्रयत्न करतायत असे चीनने म्हटले आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 17, 2020 5:13 pm

Web Title: ladakh face off china used drones to track down indian soldiers in galwan valley dmp 82
Next Stories
1 तिथल्या तिथे लगेच उत्तर द्या, मोदी सरकारने भारतीय सैन्याला दिले विशेषाधिकार
2 टीव्हीवर सतत सुशांत सिंगच्या आत्महत्येच्या बातम्या पाहून १७ वर्षीय तरुणीने घेतला गळफास
3 चपलेनं मारहाण केल्याप्रकरणी भाजपा नेता सोनाली फोगाट यांना अटक
Just Now!
X