हरयाणातील काँग्रेसच्या राजवटीत पंचकुला येथे जे औद्योगिक भूखंड मंजूर करण्यात आले त्याची सीबीआय चौकशी करण्याची शिफारस मुख्यमंत्री मनोहरलाल खट्टर यांनी केली आहे. राज्य दक्षता विभागाला या भूखंडांच्या वाटपात अनियमितता आढळल्यानंतर सीबीआय चौकशीची शिफारस करण्यात आली आहे, असे मुख्यमंत्र्यांचे विशेष अधिकारी जवाहर यादव यांनी सांगितले. दक्षता विभागाला या बाबत एफआयआर नोंदविण्याचे आदेशही देण्यात आले आहेत. त्यानंतर हे प्रकरण सीबीआयकडे सुपूर्द करण्यात येणार आहे.
