02 March 2021

News Flash

पिंजऱ्यात आलेल्या पर्यटाकावर सिंहाचा हल्ला, धक्कादायक घटना कॅमेऱ्यात कैद

वन्यजीव उद्यानात सिंहाने पर्यटावर हल्ला केल्याचा धक्कादायक व्हिडीओ कॅमेऱ्यात कैद झाला आहे

वन्यजीव उद्यानात सिंहाने पर्यटावर हल्ला केल्याचा धक्कादायक व्हिडीओ कॅमेऱ्यात कैद झाला आहे. हा व्हिडीओ सध्या सोशल मीडियावर होत आहे. व्हिडीओत सिंह पर्यटकाला ओढून नेताना दिसत आहे. पर्यटक हल्ल्यात गंभीर जखमी झाला असून त्याच्यावर उपचार सुरु आहेत.

डेलीमेलने दिलेल्या वृत्तानुसार, ही २८ एप्रिलची घटना आहे. दक्षिण आफ्रिकेतील मार्केल प्रेडेटर पार्कात ही धक्कादायक घटना घडली आहे. व्हिडीओत पर्यटक धोका पत्करत सिंहाच्या जवळ जाताना दिसत आहे. बीबीसीने दिलेल्या वृत्तानुसार, हल्ला झालेली व्यक्ती उद्यानाची मालक असून, दुर्गंध येत असल्या कारणाने कुंपणाच्या आत जाऊन ते पाहणी करत होते.

जेव्हा व्यक्ती कुंपण ओलांडून आत जाते तेव्हा सिंह विरुद्ध दिशेला तोंड करुन चालत होता. मात्र अचानक तो वळतो आणि पाठलाग सुरु करतो. सिंहाने अचानक पाठलाग सुरु केल्याने पर्यटकही धाव घेतो. पर्यटक कुंपणाच्या बाहेर पडण्याचा प्रयत्न करत असतानाच सिंहाच्या तावडीत सापडतो आणि सिंह त्याला फरफटत नेतो.

यावेळी तिथे उपस्थित इतर पर्यटक मदतीसाठी आरडाओरड करताना ऐकायला येत आहे. सिंह आवाज ऐकून थांबतो मात्र पुन्हा एकदा फरफटत नेण्यास सुरुवात करतो. गोळीबार केल्यानंतर अखेर घाबरुन सिंह पळ काढतो आणि पर्यटकाची सुटका केली जाते. सिंहाच्या हल्ल्यात पर्यटक गंभीर जखमी झाल्याचं कळत आहे. दरम्यान सिंहाला पिजऱ्यात बंद करण्यात आलेलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 2, 2018 4:56 pm

Web Title: lion attack a man who corssed and walked into its enclosure
Next Stories
1 ‘तोल’ सुटला आणि फ्रेंच राष्ट्राध्यक्ष ऑस्ट्रेलियन पंतप्रधानांच्या पत्नीला म्हणाले….
2 समीर टायगरच्या खात्म्यानंतर काश्मीरमध्ये तणाव; स्कूल बसवर झालेल्या दगडफेकीत विद्यार्थी जखमी
3 FB बुलेटीन: पत्रकार जे डेंच्या हत्येप्रकरणी छोटा राजन दोषी, बीडमध्ये तरुणाची धिंड व अन्य बातम्या
Just Now!
X