26 February 2021

News Flash

सावत्र आई-वडिलांचे अमेरिकी नागरिकत्व रद्द, भारत सरकारचा निर्णय

भारताने वेस्ली मॅथ्यूज व त्याची पत्नी सिनी यांचे ओसीआय नागरिकत्व रद्द केले आहे.

( संग्रहीत प्रतिकात्मक छायाचित्र )

अमेरिकेतील डल्लास येथे एका नाल्यात मृतावस्थेत सापडलेल्या शेरीन मॅथ्यूज या तीन वर्षांच्या मुलीच्या सावत्र आईवडिलांचे तसेच त्यांचे नातेवाईक व मित्र यांचे ओव्हरसीज सिटीझनशीप ऑफ इंडिया म्हणजे ‘ओसीआय’ नागरिकत्व रद्द करण्याचा निर्णय भारताने घेतला आहे. ते प्रकरण गेल्या वर्षी २२ ऑक्टोबरला घडले होते. भारतीय अमेरिकी आईवडिलांनी ती मुलगी बेपत्ता झाल्याची तक्रार केल्यानंतर दोन आठवडय़ांनी तिचा मृतदेह कुजलेल्या अवस्थेत नाल्यात सापडला होता.

ह्य़ूस्टन येथील महावाणिज्यदूत अनुपम राय रे यांनी सांगितले, की भारताने वेस्ली मॅथ्यूज व त्याची पत्नी सिनी यांचे ओसीआय नागरिकत्व रद्द केले आहे. सध्या ते तुरुंगात आहेत. त्या जोडप्याचे काही नातेवाईक व सहकाऱ्यांचे ओसीआय नागरिकत्व रद्द करण्यात आले आहे. मनोज एन अब्राहम, निसी टी. अब्राहम हे मॅथ्यूज कुटुंबाचे मित्र असून त्यांना ओसीआय नागरिकत्व रद्द करण्यात येत असल्याच्या नोटीसा देण्यात आल्या होत्या. त्याला त्यांनी दिल्ली उच्च न्यायालयात आव्हान दिले होते.

वेस्लीचे आईवडीलही या यादीत असून रे यांनी पीटीआयला सांगितले, की भारताने त्या मुलीचा मृत्यू प्रकरणी लोक हितार्थ हे पाऊल उचलले आहे. भारत सरकारच्या काळ्या यादीत त्यांची नावे टाकण्यात येतील.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 9, 2018 1:15 am

Web Title: loksatta crime news 129
Next Stories
1 भारतासाठी ‘हुरियत’ उत्तम व्यासपीठ!
2 २०१९मध्ये पुन्हा भाजपा सत्तेत येणार – अमित शहा
3 …तर लोकसभा-विधानसभा निवडणुकीवर बहिष्कार : फारूख अब्दुल्लांचा इशारा
Just Now!
X