गेल्या काही दिवसांपासून आजारी असलेले दक्षिण आफ्रिकेचे राष्ट्रपिता नेल्सन मंडेला यांची प्रकृती बुधवारी अधिकच बिघडली. त्यांना जीवनरक्षक प्रणालीवर ठेवण्यात आले आहे. मंडेला यांची प्रकृती अधिकच खालावली असल्याचे त्यांच्यावर उपचार करणाऱ्या वैद्यकीय पथकाचे म्हणणे आहे. मंडेला तीन आठवडय़ांपासून रुग्णालयात दाखल आहेत. त्यांची प्रकृती ढासळली असून दिवसेंदिवस त्यात कोणतीच सुधारणा होत नसल्याची चिन्हे आहेत. बुधवारी मंडेलांची प्रकृती अधिकच खालावली. अखेर त्यांना जीवनरक्षक प्रणालीवर ठेवण्याचा निर्णय घेण्यात आला.