30 September 2020

News Flash

उच्च न्यायालयाच्या आदेशाला सर्वोच्च न्यायालयाची स्थगिती

नवाजुद्दीन सिद्दिकी यांच्या पत्नीचे सीडीआर बेकायदेशीररीत्या मिळवल्याबाबत ठाणे पोलिसांनी रिझवान सिद्दिकी यांना १६ मार्चला अटक केली होती. त्यांची तत्काळ सुटका करावी, असाही आदेश उच्च न्यायालयाने

| April 10, 2018 03:35 am

प्रतिनिधिक छायाचित्र

नवाजुद्दीन सिद्दिकी यांच्या पत्नीच्या सीडीआरचे प्रकरण

अभिनेते नवाजुद्दीन सिद्दिकी यांच्या पत्नीचे कॉल डिटेल रेकॉर्ड्स (सीडीआर) मिळवण्याचा आरोप असलेल्या एका वकिलाच्या तपासात गुंतलेल्या महाराष्ट्र पोलीस दलातील कर्मचाऱ्यांची विभागीय चौकशी करण्यात यावी, या मुंबई उच्च न्यायालयाच्या आदेशाला सर्वोच्च न्यायालयाने सोमवारी स्थगिती दिली.

सरन्यायाधीश दीपक मिश्र व न्या. अजय खानविलकर यांच्या खंडपीठाने अ‍ॅड. रिझवान सिद्दिकी यांना नोटीस जारी करून याप्रकरणी ४ आठवडय़ात त्यांचे उत्तर सादर करण्यास सांगितले.

सिद्दिकी यांना अटक करण्यात ठाणे पोलिसांनी ‘मगरूरपणे’ कारवाई केली आणि ‘कायद्याची योग्य ती प्रक्रिया’ राबवण्यात ते अपयशी ठरले, असे सांगून मुंबई उच्च न्यायालयाने २१ मार्चला या पोलिसांविरुद्ध विभागीय चौकशीचा आदेश दिला होता. या आदेशाला स्थगिती द्यावी, अशी विनंती राज्य सरकारच्या वतीने ज्येष्ठ वकील मुकुल रोहतगी व अ‍ॅड. निशांत काटनेश्वर यांनी केली.

नवाजुद्दीन सिद्दिकी यांच्या पत्नीचे सीडीआर बेकायदेशीररीत्या मिळवल्याबाबत ठाणे पोलिसांनी रिझवान सिद्दिकी यांना १६ मार्चला अटक केली होती. त्यांची तत्काळ सुटका करावी, असाही आदेश उच्च न्यायालयाने पोलिसांना दिला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 10, 2018 3:35 am

Web Title: nawazuddin siddiqui wife cdr case high court supreme court
Next Stories
1 माहिती चोरणाऱ्या अ‍ॅप्सची सूचना फेसबुक खातेदारांना मिळणार
2 उत्तर प्रदेशात काय सुरू आहे..?
3 लष्कराची ९ वर्षांची प्रतिक्षा अखेर संपली, बुलेटप्रूफ जॅकेटसाठी सरकारकडून ६३९ कोटींचा करार
Just Now!
X