News Flash

रामदेव बाबांच्या भावाविरुद्ध अजामीनपात्र वॉरंट

योगगुरू रामदेव बाबा यांचा भाऊ राम भरत याच्याविरुद्ध हरिद्वारमधील न्यायालयाने गुरुवारी अजामीनपात्र वॉरंट जारी केले.

| October 24, 2013 05:16 am

रामदेव बाबांच्या भावाविरुद्ध अजामीनपात्र वॉरंट

योगगुरू रामदेव बाबा यांचा भाऊ राम भरत याच्याविरुद्ध हरिद्वारमधील न्यायालयाने गुरुवारी अजामीनपात्र वॉरंट जारी केले. पतंजली योगपीठातील एका माजी कर्मचाऱयाचे अपहरण करून त्याची छळवणूक केल्याचा आरोप राम भरत यांच्यावर आहे. याच गुन्ह्यामध्ये त्यांच्याविरुद्ध वॉरंट जारी करण्यात आले.
हरिद्वारमधील अतिरिक्त मुख्य न्यायदंडाधिकारी न्या. अर्चना सागर यांनी हे वॉरंट जारी केल्यानंतर पोलीसांनी राम भरत यांचा शोध सुरू केला असल्याचे पोलीस अधीक्षक राजीव स्वरुप यांनी सांगितले. पोलीसांनी हरिद्वारसह वेगवेगळ्या ठिकाणी छापेही टाकले आहेत, असेही त्यांनी स्पष्ट केले.
पतंजली योगपीठातील नितीन त्यागी या माजी कर्मचाऱयाचे अपहरण करून त्याची छळवणूक केल्याच्या आरोपावरून पोलीस ठाण्यात राम भरत यांच्याविरुद्ध गुन्हा दाखल करण्यात आला. राम भरत स्वतःहून पोलीसांपुढे हजर न झाल्यास त्यांच्या मालमत्तेवर जप्ती आणली जाईल, असेही स्वरूप यांनी स्पष्ट केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 24, 2013 5:16 am

Web Title: non bailable warrant against ramdevs brother
Next Stories
1 ‘गुजरातच्या मंत्र्यांना मोदींकडून शिपायाची वागणूक’
2 कांद्याचे भाव उतरायला २-३ आठवडे लागतील – शरद पवार
3 भारत, चीनने सीमाप्रश्न लवकर सोडवावा – मनमोहन सिंग
Just Now!
X