पाकिस्तानमधील मुलतानमध्ये मालगाडी आणि एक्सप्रेस यांच्यात भीषण अपघात झाला आहे. या दुर्घटनेत सहा प्रवाशांचा जागीच मृत्यू झाला तर १५० प्रवासी गंभीर जखमी झाल्याची प्राथमिक माहिती मिळते आहे. पेशावरहून कराचीला जात असणाऱ्या आवाम एक्स्पेस शेर शहा परिसरातील बुच्छ रेल्वे स्थानकावर थांबलेल्या मालगाडीला धडक दिली. मालगाडीच्या खाली एक व्यकी आल्याने मालगाडी थांबविण्यात आली होती. त्याचवेळी आवाम एक्सप्रेस पेशावरहून कराचीच्या दिशेने धावत होती. या भीषण अपघातातातील जखमींना जवळच्या रुग्णालयात दाखल करण्यात आले आहे. यामधील १० जणांची प्रकृती गंभीर असल्याची माहिती मिळते आहे. Multan (Pakistan): 6 dead, 150 hurt after Karachi-bound Awam Express collided with a freight train pic.twitter.com/DLUIy9gS8d— ANI (@ANI_news) September 15, 2016