पाकिस्तानी सैन्याकडून आज रविवार पहाटे पुन्हा एकादा शस्त्रसंधीचे उल्लंघन करण्यात आले आहे. पहाटे तीनच्या सुमारास नियंत्रण रेषेवरील मेंधर सेक्टरयेथील भारतीय तळावर गोळीबार करण्यात आला."पू्ँछ जिल्ह्यातील मेंधर सेक्टरमधील भारतीय तळावर पाकिस्तानी सैन्याने गोळीबार केला. या गोळीबाराला भारतीय सैन्यानेही चोख प्रत्युत्तर दिले. गोळीबारात कोणीही जखमी झालेले नाही. पाकिस्तानी सैन्याने शनिवारीही शस्त्रसंधीचे उल्लंघन करत राजौरी जिल्ह्यातील बालाकोट आणि त्रिकुंडी भागातील तळावर गोळीबार केला." अशी माहिती लष्कराचे प्रवक्ते आर.के.पाल्टा यांनी दिली आहे.
