22 February 2018

News Flash

पंजाब नॅशनल बँकेच्या मुंबई शाखेत 11,300 कोटी रुपयांचा घोटाळा

शेअरचा भावही घसरला

लोकसत्ता ऑनलाइन | Updated: February 14, 2018 3:01 PM

बँकेतील एखादा घोटाळा समोर येणे हे आता म्हणावे तितके नवीन राहीले नाही. पण दिवसागणिक या घटनांमध्ये भर पडत असल्याचे पहायला मिळत आहे. नुकताच पंजाब नॅशनल बँकेतील एक मोठा घोटाळा समोर आला असून मुंबईतील बँकेच्या एका शाखेतून 11,300 कोटी रुपयांचा आर्थिक गैरव्यवहार झाल्याचे समोर आले आहे. बॉम्बे स्टॉक एक्सचेंजला बँकेकडून याबाबत माहिती देण्यात आली आहे. मात्र इतक्या जास्त रकमेचा व्यवहार नेमका कोणाकडून करण्यात आला आहे त्याबाबत मात्र अद्याप माहिती समोर आलेली नाही.

हे व्यवहार काही खातेधारकांच्या फायद्यासाठी कोणाकडून तरी मुद्दामहून करण्यात आल्याचे सकृतदर्शनी आढळले आहे. त्यानुसार इतर बँकांकडून आगाऊ रक्कम घेण्यात आल्याचे बँकेचे म्हणणे आहे. कर्जवितरणाच्या बाबतीत पंजाब नॅशनल बँक ही देशातली दुसऱ्या क्रमांकाची तर एकूण मालमत्तेच्या बाबतीत चौथ्या क्रमांकाची बँक आहे. या घोटाळ्याबाबत मुंबईतील बँकेचे अधिकारी म्हणाले, ”बँकेत अशाप्रकारे समोर येणारे व्यवहार हे गुंतागुंतीचे असतात, त्यामुळे या गोष्टीची योग्य ती चौकशी करुन मगच त्याबाबत कायदेशीर कारवाई करणे योग्य होईल. तसेच या व्यवहाराबाबतची संपूर्ण माहिती चौकशीनंतर समोर येईल, त्यामुळे त्यावर आता भाष्य करणे योग्य होणार नाही.”

याआधीही पंजाब नॅशनल बँकेमध्ये काही अनियमित व्यवहार झाल्याने त्यांची चौकशी झाली होती. यावेळी ज्वेलर्सचा व्यवसाय असणाऱ्या देशातील श्रीमंतांपैकी निरव मोदी यांची चौकशी करण्यात आली होती. यावेळी २८२ कोटींचा घोटाळा झाल्याचे समोर आले होते. त्याचप्रमाणे आताचा घोटाळा हा खूप जास्त रकमेच्या असल्याने बँकिंग क्षेत्रातील सर्वांसाठीच ही मोठी घटना असल्याचे म्हटले जात आहे. मात्र अद्याप या घोटाळ्यात कोणाचेही नाव समोर आलेले नाही. या वृत्ताचा थेट परिणाम शेअर बाजारात दिसून आला. बँकेच्या शेअरचा भाव बुधवारी जवळपास पाच टक्क्यांनी घसरला.

First Published on February 14, 2018 12:27 pm

Web Title: panjab national bank 1 13 lakh crore worth of fraudulent transactions detected
  1. Shripad Kulkarni
    Feb 15, 2018 at 9:07 am
    आज पर्यंत तुम्ही पुष्कळ खोटे बोललात यापुढे चालणार नाही इतक्या कडक शब्दात RBI ने दटावल्यावर SBI ने इतक्या वर्षानंतर ताळेबंदात तोटा दाखवला. PNB ने आपल्या अधिकाऱ्यांनी गैर मार्गांचा वापर केल्याचे जाहीर केले. अर्थ खात्याने RBI च्या या कडक धोरणाचे स्वागत केले आहे. या सर्वांचा अर्थ आधीच्या सरकारच्या काळात सरकारी बँकेतून किती गैर व्यवहार झाले व त्यावर सोयीस्कर रित्या पांघरून घालण्यात आले व सर्वसामान्यांची दिशाभूल करण्यात आली असाच होतो. हे सर्व एक मोठा अर्थशास्त्री पंतप्रधान असताना व आता उठसूट सर्वच अर्थकारणावर वावदूक टीका करणारे ( महाभ्रष्ट) लोकसत्तामित्र चिदंबरम अर्थमंत्री असताना.
    Reply
    1. Bhimanna Koppar
      Feb 14, 2018 at 1:52 pm
      एक निरव मोदी तर दुसरा सारवासारव मोदी !
      Reply
      1. Bhimanna Koppar
        Feb 14, 2018 at 1:41 pm
        याला पण मनमोहन सिंग यांचे सरकार जबाबदार आहे - अरुण जेटली
        Reply