News Flash

पेट्रोल १ रूपया ४६ पैसे तर डिझेलच्या दरात १ रूपया ५३ पैशांची कपात

आज मध्यरात्रीपासून नवे दर लागू होणार आहेत.

आंतरराष्ट्रीय बाजारात कच्चा तेलाच्या दरात वाढ झाल्याने पेट्रोल आणि डिझेलच्या दरात वाढ झाली आहे.

नोटबंदीमुळे वैतागलेल्या नागरिकांना पेट्रोलियम कंपनीने पेट्राल व डिझेलच्या दरात कपात करून मोठा दिलासा दिला आहे. पेट्रोल १ रूपया ४६ पैशांनी तर डिझेलच्या दरात एक रूपया ५३ पैशांची कपात करण्यात आली आहे. नवे दर आज (मंगळवार) मध्यरात्रीपासून लागू होणार आहेत.

आठवडाभरापूर्वीच म्हणजे दि. ५ नोव्हेंबरला पेट्रोल आणि डिझेलच्या दरात वाढ झाली होती. त्यामुळे अवघ्या दहा दिवसांच्या आतच दर कमी झाले आहेत. सप्टेंबर महिन्यापासून पेट्रोल-डिझेलचे दर सातत्याने वाढत होते. ऑक्टोबरमध्ये दोन वेळा, तर सप्टेंबरमध्येही १६ तारखेला पेट्रोल-डिझेलचे दर वाढले होते.

देशातील इंधनाचे दर नियंत्रणमुक्त केल्यानंतर पेट्रोलियम कंपन्या दर १५ दिवसांनी इंधनाच्या किंमतींचा आढावा घेतात. त्यानुसार दर महिन्याच्या पहिल्या आणि १५ तारखेस बदललेले दर जाहीर केले जातात. ५ नोव्हेंबर रोजी दरात किरकोळ बदल करण्यात आले होते. त्यानंतर १० दिवसांनी आंतरराष्ट्रीय बाजारपेठेतील परिस्थितीचा आढावा घेऊन निर्णय घेण्यात आला आहे.

आज मध्यरात्रीपासून बदलणारे दर
पेट्रोल (प्रतिलिटर) : मुंबई : ७२.२९, पणजी : ६१.५९, दिल्ली : ६५.९३, कोलकाता : ६८.६७, चेन्नई : ६५.४१, बंगळूर : ७२.५६.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 15, 2016 8:37 pm

Web Title: petrol diesel rates cuts from today midnight
Next Stories
1 झाकीर नाईकच्या इस्लामिक रिसर्च फाऊंडेशनवर ५ वर्षांची बंदी, केंद्रीय मंत्रिमंडळाचा निर्णय
2 शिक्षिकेने वर्गात फरफटत नेल्याने विद्यार्थ्याचा हात मोडला
3 रतन टाटांसाठीच जास्त पैसे खर्च झाले; सायरस मिस्रींचा पलटवार
Just Now!
X