News Flash

फिलिपिन्समध्ये विमान दुर्घटना; २९ जणांचा मृत्यू, ५० जणांना वाचवण्यात यश

फिलिपिन्समध्ये लष्करी विमान सी-१३० आग लागल्याने कोसळलं. या दुर्घटनेत २९ जवानांचा मृत्यू झाला आहे. तर ५० जवानांना वाचवण्यात यश आलं आहे.

Philippine Plane Crash
फिलिपिन्समध्ये विमान दुर्घटना; २९ जणांचा मृत्यू, ५० जणांना वाचवण्यात यश (Photo- Reuters)

फिलिपिन्समध्ये लष्करी विमान सी-१३० आग लागल्याने कोसळलं. या दुर्घटनेत २९ जवानांचा मृत्यू झाला आहे. तर ५० जवानांना वाचवण्यात यश आलं आहे. या विमानात एकूण ९२ जवान होते. या विमानानं कागायन डी ओरो सिटीमधून उड्डाण घेतलं होतं. सुलुतील जोलो बेटावर या विमानाचं लँडिग करताना हा अपघात घडला. अजूनही काही जवान विमानाच्या ढिगाऱ्याखाली असल्याचं बोललं जात आहे. त्यामुळे मृतांचा आकडा वाढण्याची भीती व्यक्त होत आहे. दुर्घटनाग्रस्त विमानातून जवानांना बाहेर काढण्यासाठी शर्थीचे प्रयत्न केले जात आहेत. वाचवण्यात आलेले जवान गंभीररित्या जखमी असल्याचं सांगण्यात आलं आहे.

फिलिपिन्समधील दक्षिण कागायान डी ओरो शहरातून लष्करी विमान जवानांना नेत होतं. विमान सुलुतील जोलो बेटावर उतरत असताना हा अपघात झाला. विमानाला आग लागल्याने धावपट्टीवरचा वैमानिकाचा अंदाज चुकाला आणि अपघात झाला. “दुर्घटना होणार असल्याचा अंदाज आल्याने बहुतेक जवानांनी विमानातून उड्या घेतल्या. त्यामुळे त्यांचा जीव वाचला. मात्र त्यांना गंभीर दुखापत झाली आहे”, असं प्रत्यक्षदर्शींनी सांगितलं.

धक्कादायक: पाच वर्षांची मुलगी होणार दगड!; दुर्मिळ आजारानं ग्रासलं

सुलुतील मुस्लिम बहुल भागातील अबू सय्याफ या बंडखोर संघटनेशी लष्कर गेल्या काही दशकांपासून सामना करत आहे. सध्या तरी विमानावर हल्ला केल्याचं कोणतंच वृत्त नही. मात्र दुर्घटनेचा तपास केला जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 4, 2021 6:57 pm

Web Title: philippine air force c 130 aircraft carrying troops crashed 29 military personnel death rmt 84
टॅग : Plane Crash
Next Stories
1 Covaxin Corruption in Brazil: राष्ट्राध्यक्षांची चौकशी करण्यास सुप्रीम कोर्टाचा हिरवा कंदील
2 Video: …जेव्हा महासागराला आग लागते
3 धक्कादायक: पाच वर्षांची मुलगी होणार दगड!; दुर्मिळ आजारानं ग्रासलं
Just Now!
X